آهٍ على آهٍ .. وآخٍ على أيخ ..!!

[مشاري بن فالح]

السلام عليكم

:
:

هواجس مفخّخه

وا فكري اللي فخّخ الهجس تفخيخ=خطرن من الهاجوس ثار انفجاره
راح الزمان اللي يضم المطانيخ=في ساعة الهيجا تهل البشاره
وجاك الزمان اللي تشوف المفاصيخ=من وين مالدّيت شفت الدعاره
جيل ابتلينا به ويحتاج توبيخ=استغفر الله بالملاهي سهاره
آهٍ ٍ على آهٍ ٍ وآخ ٍ على أيخ=مطربهم اللي غنوته للفجاره
احدن يطش الفلس لجل المداليخ=لعيون منهو لابسات السواره
وحدن يبخ الراس سبريه تبخيخ=وحدن يهز الخصر فن ومهاره
وحدن مسح يمناه من عقب توسيخ=وحدن يلك الخبث ويّا الزقاره
بعد الرذاله جاك مترهدن الذيخ=اللي على الشينات عنده جساره
متلطّخٍ ياناس بالذنب تلطيخ=خلص حياته في هوان وخساره
لا صام لا صلى مغير التلابيخ=ماعمرها يمناه اعطت فقاره
لو يدري ان الموت ماله تواريخ؟!!=وتلفح جهنم جمرها بالسعاره؟!!
رسخ كتابه داخل القلب ترسيخ=يرجي من الله رحمته واغتفاره

لـ مشاري بن فالح البدري العنزي ( هاجس الحرمان)

9/ 10 / 2010
:
:

[محمد بن موسى]

الشاعر القدير / مشاري بن فالح


لافظ فووك

وصح السانك مدد بلا عدد

قصيدة رائعه بكل ماتحمل الكلمه من معنى وتلامس واقعنا المؤسف

دمت كما انت يامشاري دائماً متألق

تقبل فائق الود والتقدير

كن بخير

[مشاري بن فالح]

المشاركة الأصلية كتبت بواسطة محمد بن موسى

الشاعر القدير / مشاري بن فالح


لافظ فووك

وصح السانك مدد بلا عدد

قصيدة رائعه بكل ماتحمل الكلمه من معنى وتلامس واقعنا المؤسف

دمت كما انت يامشاري دائماً متألق

تقبل فائق الود والتقدير

كن بخير

صح بدنك يالغالي
اسعدني حضورك جدا

شكرا لك

[مشهور الرشدان]

مشاري بن فالح البدري العنزي ( هاجس الحرمان)

صح لسانك وعتلا شانك على هذه القصيده التي توصف واقعنا اللعين
تحياااتي ابو حفص

[محمد البويليد العنزي]

الشاعر القدير / مشاري بن فالح

قصيده جزله من شاعر جزل

وصح السانك مدد بلا عدد

قصيدة رائعه بكل ماتحمل الكلمه من معنى وتلامس واقعنا المؤسف

دمت كما انت يامشاري دائماً متألق

تقبل فائق الود والتقدير

كن بخير

[حمد الخمعلي]

الاخ مشااري بن فاالح

صح قلبك على هذه القصيده التي تعبر عن واقع ملموس

كُن بخير

[حمد الضوّي]

هاجس الحرمان





صح لسانك واعتلا شانك

قصيده تحكي واقعنا المرير

الله يحفظ شبابنا وشباب جميع المسلمين



تحايا