انا فدى الطيب

[معيض بن عريفج]

ان جاني المطنوخ ناجي سميحان = وسويت له دلة مهيل وعودي
وبراد شاهي يقعد الراس خدران = وجاب القصيد اللي يبل الكبودي
تسوى من جنيهات الذهب عشرة اطنان = وماحاشته يمنا الوليد السعودي
وماتملكه زغر العيون المريكان = ونفط العرب كله ونفط اليهودي
مثايلن يطرب لهن كل فهمان = الوافيات النادرات الوجودي
ان جاب طاروق ن من الشعر مليان = له شرد القيفان تركع سجودي
ان مد مد الوافيه دون نقصان = وان هد ابتع من سهوم البرودي
وحمد سعد ذيب النشاما بليهان = بحراًالياموجه تحرك يزودي
ويازن بيوت الشعر عنده بميزان = تاتيه عذبات المعاني وفودي
عنده عصا موسى وخاتم سليمان = وعنده صخا حاتم بليا حدودي
والكل منهم له على الطيب برهان = ولاينهرج هرج ن بليا شهودي
انا فدى الطيب على طول لازمان = اللي به المحتاج يرقا سنودي
ومايبتني بيت ن على غير سيسان = وساس المفاخر ثبتوه الجدودي
ويلان ان عدوا هل الطيب ويلان = ان ولعت عند الفتيل الزنودي
كل عنزة عند الملاقا لهم شان = من خلقة الدنيا وعاد وثمودي
تاريخهم واضح على راس مابان = غصباً على الجاحد وخشم الحسودي
وكل القبايل لهم باطيب عنوان = في كل ديره حقها من الآسودي

[محمد بن موسى]

الشاعر القدير / معيض بن عريفج

ونعم ملايين يالغالي بك شاعرنا القدير
وبالشاعر ناجي سميحان الخمشي وبالشاعر حمد بن سعد الخمعلي
اسماء لامعه في سماء الشعر وسطرو اجمل الابيات في كافة الميادين سواً بشعر النظم او المحاورة وذكرهم يسبقهم اينما حلوو
ومهما قلت بحق هذة الاسماء اشعر بالتقصير
فجميع من ذكرت جبال شاهقه جمعو الشعر والمرجله
ولا بباقي الاخوان قصور
فلك الشكر الف يابو عريفج على ماجادة به قريحتك
ونعم ملايين بالمادح والممدوح
وادام الله الود والمحبه بين الجميع

تقبل فائق الود والتقدير لشخصك الكريم

كن بوود

[معيض بن عريفج]

اقتباس:
المشاركة الأصلية كتبت بواسطة محمد بن موسى
الشاعر القدير / معيض بن عريفج

ونعم ملايين يالغالي بك شاعرنا القدير
وبالشاعر ناجي سميحان الخمشي وبالشاعر حمد بن سعد الخمعلي
اسماء لامعه في سماء الشعر وسطرو اجمل الابيات في كافة الميادين سواً بشعر النظم او المحاورة وذكرهم يسبقهم اينما حلوو
ومهما قلت بحق هذة الاسماء اشعر بالتقصير
فجميع من ذكرت جبال شاهقه جمعو الشعر والمرجله
ولا بباقي الاخوان قصور
فلك الشكر الف يابو عريفج على ماجادة به قريحتك
ونعم ملايين بالمادح والممدوح
وادام الله الود والمحبه بين الجميع

تقبل فائق الود والتقدير لشخصك الكريم

كن بوود

اخي واستاذي محمد موسى

هلابك وماعليك زووود وافي يامحمد دائماً

اشكرك على مرورك وحسن اطرائك بيض الله وجهك

لك كل الشكر والتقدير

[ماجد الغانم]

كفو والله يامعيض والنعم فيك مرجلة وقصيد
ابدعت بحق قصيدة جزلة

صح لساانك ولاهنت

ويستااهل ناجي وحمد هذا الثناء انا اشهد انهم يستحقون المدح والطيب

لله درك ارويتني شعراً من خلال هذا النص الرائع

دمت بكل خير ودام هذا التميز

[معيض بن عريفج]

اقتباس:
المشاركة الأصلية كتبت بواسطة ماجد الجعفري
كفو والله يامعيض والنعم فيك مرجلة وقصيد
ابدعت بحق قصيدة جزلة

صح لساانك ولاهنت

ويستااهل ناجي وحمد هذا الثناء انا اشهد انهم يستحقون المدح والطيب

لله درك ارويتني شعراً من خلال هذا النص الرائع

دمت بكل خير ودام هذا التميز


الاخ ماجد هلابك ملايين

وصح بدنك لاهنت ولاعليك زود وتستاهل كل خير

وبيض الله وجهك على مرورك الذي اسعدني لك كل الشكر والتقدير

[غموض الشمال]

صح لسانك شاعرنا القدير

والنعم فيك وبالاخ ناجي والاخ حمد

وتستاهلون الطيب والله لايغير عليكم

كل الشكر لك على هذا النص الشامخ

تقديري

[معيض بن عريفج]

اقتباس:
المشاركة الأصلية كتبت بواسطة غموض الشمال
صح لسانك شاعرنا القدير

والنعم فيك وبالاخ ناجي والاخ حمد

وتستاهلون الطيب والله لايغير عليكم

كل الشكر لك على هذا النص الشامخ

تقديري

الاخت القديرة الشاعره غموض الشمال

هلابك وصح بدنكي لاهنتي حضورك هنا انار المصفح

واطرائك اسعدني وتستاهلين كل خير لك كل الشكر والتقدير