ألف غيرك - °~*¤®§(§ شبـــكة ويــلان العـربـيـه §)§®¤*~ˆ°

**ماجدبن منصور{المنسي}** · 12/12/05, (06:34 AM)

["]

روحي فمان الله والمولى معاك=واطلبك تكفين لالاترجعين
دامك انتي اللي بديتي في جفاك=جربي مر الجفا لوتقدرين
لاتحسبيني انا بتبع خطاك=كل ماقلتي جفا بقول زين
كان قصدك ان انا اركض وراك=صحصحي يابنت انتي تحلمين
قدعرفتيني مثل نجم بسماك=بدري انك لين عندي توصلين
صدق انا احبك وفي قلبي غلاك=بس غيرك الف كانك تذكرين
ماحمدتي الرب يوم انه عطاك=قلبي اللي صعب مثله تعشقين
كل مره تخطي واتحمل خطاك=واتصبر وادعي ان الله يعين
بس طالت..شمخت يلعن ثواك=لعنبوه الوضع عيا لايزين
لامتى بصبر على قلة حياك=ابصراحه ماأظنك تستحين
مالقيت الاالمتاعب في هواك=وانتي عني لاهيه ماتقدّرين
قدنصحتك الف مره وش بلاك=هو متى يابنت انتي تفهمين
كنت انا افرح لاطرت حزة لقاك=وكنت اظنك بالملاقى تفرحين
ماالوم القلب لوانه نساك=ماالومه لو اشوفك تدمعين
بتركك وارحل وروحي للهلاك=واتركيني في وسط همي سجين
دامك انتي اللي بديتي في جفاك=جربي فرقاي يمكن تعقلين

[/poem][/[/poem]poem]

**القايد** · 12/12/05, (10:44 AM)

هلابك ياماجد بن منصور

وصح لسانك

على هذه القصيده الغزليه الرائعه

اشراقه من شاعر راقي في مفرداته الشعريه

صح لسانك مره ثانيه

دمت

**محمد المقبل** · 12/12/05, (02:59 PM)

الاخ ماجد بن منصور

صح لسانك على هالقصيده الغزليه المعبره

أتمنى تواصلك الدائم ولك كل الاحترام والتقدير

**عيد الوايلي** · 12/12/05, (08:45 PM)

الاخ ماجد بن منصور المنسي

صح لسانك

لاهنت على هذا الحضور المميز

تحياتي

**ماجدبن منصور{المنسي}** · 03/05/06, (04:20 AM)

اخوي القايد
صح بدنك
ولاهنت على مرورك
تقبل فائق تقديري

**ماجدبن منصور{المنسي}** · 03/05/06, (04:22 AM)

اخوي محمد المقبل
صح بدنك
ودمت بصحه وعافيه

**ماجدبن منصور{المنسي}** · 03/05/06, (04:23 AM)

اخوي عيد الوايلي
صح بدنك
ولاهنت على مرورك
ولك تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري