الفرق مثل الشمس
السلام عليكم ورحمه الله وبركاته
أيها الأخوة والأخوات الأفاضل أمل أن تنال القصيدة اعجابكم واستحسانكم
قالوا تهوجس قلت عايش بهوجاس = وما بين هم وهجس ياما حذفتني
همٍ وهاجوس تراما على ساس = وسود لياليمن عياها عطتني
ومن المرارة عفت ما شفت بالكاس = وسهوم بقعاء ياعوض لوعتني
والسر صار من الحفا فيه لولاس = وساس الأمور القاسية صادفتني
وين الذي مجهود هم كل نوماس = اللي فعائلهم قديم دعتني
ذكرتني يا القرم ناسٍلهم باس = اللي ليا ناديت يركون متني
والناس مثل الناس بالون وجناس = والفرق مثل الشمس لو قيل فتني
يوم أتذكر كلمتٍ ترهب الناس = انساء مضامين المضى لوكوتني
هبيت يا هجسٍرجعبي للارماس = وسولف عليه ثم كف ولفتني
والرجم ما ينبني على صفح الأطعاس = وذيك الجبال النايفه خالفتني
والعرق عرق وقالوا العرق دساس = والعرق نبضه بالحظوظ اجنبتني
يا مسندي باحت مراكيض جساس = وحرار شلوي بالوطي يالتفتني
ودرب محداً ساد له يوم الاتعاس = وسوالف التاريخ مبطي حكتني
يا أبو عبد الله شفت بالبير غطاس = وصحايف البيزات صدت وجتني
وشوف الفياض اللي بها الاوناس= من حسنها في غايتي ذكرتني
لي عشقةٍ ما كلمت مرهف احساس = قفيت وقفت والخرايم نحتني
هذي رموزٍ حفتها وسط قرطاس = ونصيتها يمك بعد ما نصتني
يا جتك يا شغموم قدم لها الكاس = يا مكرم الخطار هي صافحتني
يابن النشاما علمكم يرفع الرأس = من لابةٍ وفعولها شرفتني
قالوا المتعب قلت ومرار عساس = وحساس فكري يا عوض حيرتني
وصلاة ربي عد ما هب نسناس = على رسولٍ سيرته علمتني
تحياتي للجميع
28/04/05, (02:09 PM)
الفرق00مثل 00الشمس
العرض المتطور
