بحسب التخصص ماني اليوم محتااال - °~*¤®§(§ شبـــكة ويــلان العـربـيـه §)§®¤*~ˆ°

**ماجد الغانم** · 30/10/07, (10:02 PM)

السلام عليكم ورحمة الله وبركاته

اليكم هذه القصيده كماهي بدون مقدمااات

أتمنى أن ترضي ذائقتكم

بؤرة عيوني ياهوى القلب تختال=من يوم نورك ما سقط في بصرها
وحتى اشبكية عيني اليوم تهتال = من ها الجمال اللي بزينه سحرها
واعصاب مخي جاوبتني على الحال =مافيه مثلك ياحبيـبي عـــبرها
وصارت خلايا المخ تبعث بك ارسال= ولمركز الأبصار توصل خبرها
من شان تبقى صورتك دوم بالبال= والعين تسعد فيك كاجمل صورها
و جيت المخيخ وقال منك الشرف نال= وصورتك من عنده لقلبي حدرها
وقلبي تلقاها وغنى بموال = واجمل زهوره يوم شافك نثرها
وبعدك عروق القلب عنها الضما زال=مثل الجذور اليا ارتوت من مطرها
وشريان قلبي من وصالك ترى سال=واسقى أعضاءٍ قبل شوفك هجرها
كنه شعيبٍ أنسكب عقب المحال = واروى بطون الأرض وأسقى شجرها
والكبد قبلك سيئه بكل الأحوال = ما تهتني في زادها من قهرها
ومن شوفتك صارت تراها على العال= وانا احمد الله زال عنها كدرها
يعني الحقيقه واختصارات الأقوال= انك عديل الروح وايضاً قدرها
وان كان ودك زود في سرد الأمثال= اللي تبين طلتك وش أثرها
اعضاء حسي وقفت لأجلك اجلال= وصاغت مشاعرها ولحدٍ جبرها
غصبٍ مشاعرها لك اليوم تنهال = لأن بصراحه كل مابك بهرها
وهزيتني هزه كما هز زلزال =مقياس ريختر لو حضر مختبرها
وخذت لك في داخل الجسم تجوال =وشفت الفرح وشلون روحي غمرها
ونحتلك في قلبي اليوم تمثال= واصبحت في عيني تمثل قمرها
واحييت فيني سيدي كل الآمال = وعالجة نفسي من غثى اللي كسرها
هذا الذي سويت ياسيد الأزوال = وشلون بترك جنتك يا ثمرها
والله حقيقه قلتها مابها أجدال = مافيه غيرك تل روحي واسرها
وهذي القصيده تاصف الوضع والحال= وبنات فكري تعلن إنك فخرها
بحسب التخصص ماني اليوم محتال = نظمت انا ابياتي وهذا بحرها

وسلاااااااااااااااااااامتكم

**عبدالله عشوي** · 30/10/07, (10:22 PM)

الله لايهينك

ياماجد

جزله من راس جزل ودايم جزل اخوي ماجد

ارجو قبول فائق تحياتي

**ماجد الغانم** · 01/11/07, (06:56 PM)

اقتباس:

المشاركة الأصلية كتبت بواسطة عبدالله عشوي

الله لايهينك

ياماجد

جزله من راس جزل ودايم جزل اخوي ماجد

ارجو قبول فائق تحياتي

ألأخ العزيز

والشاعر الكبير والقدير

عبدالله عشوي

صح بدنك يالغالي

وتشرفت بمرورك الكريم

وكل الشكر لك على هذه الأشاده

دمت بكل خير

ودااام هذا التواصل منك أخي الغالي

تقبل خالص تحياااااااتي

**حمد الخمعلي** · 30/10/07, (10:24 PM)

الاخ ماجد

سلمت يالغالي 0

قرأت مابين احرف القصيده الابداع المتكن والربط المبهر بين الابيات وخاصه هذا البيت0

كنه شعيبٍ أنسكـب عقـب المحـال000000واروى بطون الأرض وأسقى شجرها

سلم فكرك وصح قلبك

تحياتي لك

**خلف الغريب** · 31/10/07, (12:28 AM)

شاعرنا ومشرفنا الرائع : ماجد الجعفري ...

دمت بهذا التألق ..

صح لسانك ملايين .... والله لا يهينك ..

مشاعر راقية وافكار مترابطة,,,,

تقبل مروري المتواضع يا بعد راسي..

**ماجد الغانم** · 02/11/07, (05:50 PM)

اقتباس:

المشاركة الأصلية كتبت بواسطة ابو خالد الفقيري

شاعرنا ومشرفنا الرائع : ماجد الجعفري ...

دمت بهذا التألق ..

صح لسانك ملايين .... والله لا يهينك ..

مشاعر راقية وافكار مترابطة,,,,

تقبل مروري المتواضع يا بعد راسي..

الأخ العزيز

أبو خالد الفقيري

حيااااك الله ..وصح بدنك يالغالي

تشرفت بطلتك البهيه...

وكل الشكر على هذه الأشاده الكريمه منك...

التي ستبقى وساماً على صدري

دمت بكل خير

ودام هذا التواصل منك أخي الغالي

تقبل خااالص تحياااااتي

**ماجد الغانم** · 02/11/07, (05:41 PM)

اقتباس:

المشاركة الأصلية كتبت بواسطة حمد الخمعلي

الاخ ماجد

سلمت يالغالي 0

قرأت مابين احرف القصيده الابداع المتكن والربط المبهر بين الابيات وخاصه هذا البيت0

كنه شعيبٍ أنسكـب عقـب المحـال000000واروى بطون الأرض وأسقى شجرها

سلم فكرك وصح قلبك

تحياتي لك

الأخ الفاضل

حمد الخمعلي

حيااااك الله وصح بدنك

تشرفت بمرورك ...وأشادتك الكريمه

التي ستبقى وساماً على صدري

دمت بكل خير ...

ودام هذا التواصل منك أخي الغالي

تقبل خالص تحياااااااتي