الحياة افراح واحزاااااان

[معيض بن عريفج]

ياصباح الخير يااحلى صباحٍ بالوجود = ياصباح الورد والفل وانسام العبير
يابراءات الطفوله بالاعين والخدود = ويافرح امٍ تبسم لها الطفل الصغير
وكل ذو نعمه من الله مع الناس محسود =وانت غير الناس والناس غيرك وانت غير
الله اعطى الناس حد وعطاك بلاحدود =وان عطاهم خير انته عطا لك شي اخير
لا تواخذني لياباحت اسرار السدود = ضايقٍ بالي وضيق علي من العصير
وصرت محتاجك حبيبي وتمنعني قيود = وصرت ادور بدائره مغلقه مثل الاسير
ان بغيت اوصل العلم لك جاني برود = وثم خفت وجيت راجع الى حر السعير
والحيا والحب وسط الحشا مثل البارود = وانفجر قلبي وانا بين اقول او استخير
والقلوب الله يسلمك بالخافي شهود =وانت وسط القلب شيدت بيتك بالضمير
وكل يوم وحبك بقلبي من حبك يزود = لين صرت بقلبه ودمه ووسط النظير
كان عقلي ماسكٍ قلبي وكلي صمود = وراح قلبي وتبعه عقلي وجيتك مغير
جيت مثل الأعزل اللي احاطوه الجنود = جيت مستسلم ورافع يديه للأخير
مامعي الا قلب واحد وراح بمايجود = ليت لي قلبين وان راح حطيت الاسبير
ترني احساس ومشاعر ولااحتمل الصدود = والغلا والولف يقضي على قلب البعير
وللعيون الناعسه تضرب الارض الأسود = والأسد يسلم الأمر لو هو له زئير
استلمني طالما اني على رضاك محدود = الغلا اللي حدني والغلا شرٍ شرير
تعشق الغزلان غيري وانا احب العنود = والغلا ـ يالعن ابو حي حي اصله ـ خطير
ايه تستاهل محبتك يالغرو والودود = وابشر اني معك جعله يصير اللي يصير
ارق بي وارقابك ارقابك ارقابك سنود = لوتبينا نطير يم السما سم ونطير
حطني بالظل والشمس واهجها يكود = ودفني بالبرد يوم الهوا جا له صفير
ياعريب الفرع والساس وجذور الجدود = لاتوديني بحبك الى سوء المصير
شوف لي حل بحياتي ترا همومي وفود = كان عندك هم واحد معي جمعٍ غفير
والحياة افراح واحزان واخرها اللحود = يالله انك تشفي الجرح والعظم الكسير
فلها لازان وقتك ترا العمر محدود = واحتزم لاجاك يومٍ عبوسٍ قمطرير

[نافع عيد الجديد]

الغالي معيض بن عريفج

صح لسانك وسلم بوحك الجميل

ابداع يعانق السماء

لاغرابه في ذالك وانت خلف هذا النص

اسجل اعجابي

لك المحبه والتقدير

[محمد لطيف]

ياصبـاح الخيـر ياحلـى صبـاحـاً بالـوجـود
ياصـبـاح الــورد والـفـل وانـسـام العـبـيـر
يـابــراءاة الطـفـولـه بـالاعـيـن والـخــدود
ويافـرح ام ن تبسـم لـهـا الطـفـل الصغـيـر
وكـل ذونعمـه مـن الله مـع النـاس محسـود
وانت غير الناس والناس غيرك وانت غير
الله اعطـى النـاس حـد وعـطـاك بـلاحـدود
وان عطاهم خير انته عطا لـك شـي اخيـر

استهلال جميل ولبق

وقصيده رائعه

دمتم بخير

[حمد الخمعلي]

الاخ معيض العريفج

صح قلبك وسلم رااسك على هذه الجزااله الغير مستغربه من شاعر بحجمك0


والحيـاة افـراح واحـزان واخرهـا اللحـود0000يالله انـك تشفـي الجـرح والعـظـم الكسـيـر
فلـهـا لازان وقـتـك تــر الـعـمـر مـحــدود0000واحتـزم لاجـاك يوم(ن)عبوسـن قمطـريـر


قصيده تحتاج لكل بيت وقفه0

كُن بخير

[طلال الايداء]

الله عليكـ ايها النقي

نص هوومن يشيد بنفسه


دمت لنا مبدعااا"

صح الله لساانكـ اخووي معيض

تقبل مروري المتواضع


اخوكـ طـــــــــلال الايــــــــــداء

[سالم صالح]

الشاعر الرائع / معيض عريفج


صح السانك قصيدة رائعة وجزلة لايكتبها الا شاعر جزل مثلك وشرواك


كل بيت افضل من سابقه مميز دائما


تقبل تقديري

[سعود المسعودي]

معيض عريفج


صح لسانك وعلا شانك

وتقبل خالص التحايا