قصيده اتمنى ان تنال على استحسانكم ...
ياما حملت من المتاعـب فـوق مـالا استطيـع
................................ حتى شعرت ان "الهموم السـود" هـدت منكبـي
المسأله ماهي بقـاف وشعـر وأسلـوب ٍ بديـع
................................ المسألـه لازم أجمّـل صيـت ربعـي وعربـي
أما أقول من القصايد وأكسـب أرضـاء الجميـع
................................ وإلا بلاش استنزف حضوري..وجهدي..وتعبي !!
صحيح بالدنيا خذيت الصيـت والشـان الرفيـع
................................ ويكفي بأني من نسل "وائـل كليـب التغلبـي"!!
لكنّي أقدر اثبـت وجـودي ولايمكـن : اضيـع
................................ دام أني اتبع جملة ٍ قيلـت بعـد "عهـد النبـي"
ان الفتى من قال : انا ..هذا هو الرجل الشجيـع
................................ وليس الفتى من افتخر وقال : قد كـان أبـي !!
شربت "دم المرجله" من يوم انـا طفـل ٍ رضيـع
................................ ولا انفطمت إلا بعـد مادسّـم الطيـب ..شنبـي
من عّدني صاحب فـلا اسـوم بغلاتـه أو ابيـع
................................ دام " الغدر" ماهو بمن طبعي ولا هو مذهبـي !!
واللي ذبح لي من حلاله " شاة" من ضمن "القطيع"
................................ نذر ٍ علـى نفسـي أذا مااذوقـه "لحـم الظبـي"
وأغليه والله مثل مااغلى "شالح" أخـوه "الفديـع"
................................ وأعامله مثل الاخـو حتـى ولـو كـان اجنبـي
لأن طبعي من عطاني قلبـه اصبـح لـه مطيـع
................................ ولا أفرق باالتعامل بيـن " شايـب " أو " صبـي"
ومن الفراسه فوق ماني طيّـب وبالـي وسيـع
................................ " أني آتحاشى اصطدم بالهرج مع رجل ٍ غبـي" !!
اللي مخوفنـي كثيـر أشيـاء لاجتنـي آضيـع
................................ ومن ضمنها شـي ٍ اذا جانـي يعكّـر مشربـي
"الكذب" و"الجهل بأمور الدين" و" الفشل الذريـع"
................................ ولياعجزت آهدي أعصابـي ليـا زاد غضبـي !!
من يوم صار الهم " ذيب" وقلبي " الحمل الوديع"
................................ ينهش بلحمي ليـن ماقطّـع وريـدي وعصبـي
لكـن لـي الله والله العالـم بحالـي والشفـيـع
................................ ليـا سجـدت لطاعتـه ذليـل وأثنيـت ركبـي
من بعدها والله لو انـي شلـت مـالا استطيـع
................................ أهم شي اني احـس انـي خذيـت اللـي أبـي
منقوووول
20/03/08, (08:40 PM)
ياما حملت من المتاعب فوق مالا أستطيع ...
العرض المتطور
