الاخوه الاعزاء
السلام عليكم ورحمه الله وبركاته
نحن اليوم في مواقف رمضانيه
نستضيف أحد الاخوات لتكون هي ضيفتنا
في هذا الموقف لهذا اليوم
واللتي لها مشاركاتها الرائعه
ولها مواضيعها الشيقه
بل و تتحفنا دائماً بروائعها الكتابيه الخلابه
لها أسلوبها الخاص وطابعها الخاص
أنها
الكاتبه والاعلاميه / سندريلا
فإليكم هذا الموقف
الذي يحمل في طياته الشفافيه في التنسيق
والروعه في الطرح وجمال الاسلوب
موقفً لايخلو من الدعابه والضحك
اقتباس:
|
المشاركة الأصلية كتبت بواسطة سندريلا
مرحبا سلطان
كيف الحال ؟
اسفه تأخرت عليك بس كنت بزي شوي
انا مافهمت انتو شتبون بالضبط بس بقولكم مواقف صارت لي في رمضان
الموقف الاول
مره كنت رايحه العمره في العشر الاواخر من رمضان وطبعا تعرفون الزحمه ومن قوة الزحمه احد وطى على عبايتي وطاحت ولا عاد لها اثر من كثر الناس وطلعت من الزحمه بنقاب وشيله وجلابية نص كم كان منظري يفشل عطاني اخوي قطعه من احرامه حطيتها على كتوفي وطلعت من الحرم مبارية الساس ياما وصلت الفندق 
الموقف الثاني
محرج صراحه بس عادي بقوله كنت جالسه انا وبنت عمي اللي هي زوجة اخوي الظهر الحمر مسويات لنا بيض وجبن وشاهي  وناكل غافلات آمنات على ساس ان الباب مقفول ومحد بشايفنا المهم فجاءة دخل اخوي وقال ماشاء الله كابسين طبعا تصفقت وجيهنا وبلعنا ريقنا وماعلقنا على الموضوع ويوم جاء وقت الفطور ماطلعنا مالنا وجيه وكل ماشافنا قال اشدعوه بيض الظهر حق الحساسيه عاد انا ابتسم من غير نفس واقول للظروف احكام .
المواقف كثيره بس هذا اللي جاء على بالي الحين
س ل م ل م  |
25/09/06, (10:19 AM)
الموقف الرمضاني الثاني ... مع الاعلاميه سندريلا
العرض المتطور
