برق الشمال

[عبدالله المعزي]

اهديكم احبتي في هذا المنتدى هذه القصيده التي اتمنى ان تحوز على رضاكم وأعجابكم ( اهداى خاص للاخ صالح الفدعاني )

برق الشمال اللي جرح بالسماء جرح=كيــف اتــمكــن وامـــكــن الـــروح لاصـــيح
الله يـــا برقاً دعـــى نــازف الجـــرح=هــمـــاً لــجاء بـيــن الــضلـوع المجــاريــــح
طارت طيـور الــشـوق بموادع الفرح=وقــفـت تــجــــر اســـربـــهــا تتبع الــريـــح
شعور حزن او ضـيـق ومرافقه تـرح=بــشـــد الـركايب والـدروب الــمــــــــراويح
مع واقــعي وقـفـت عـاجز عـن الشرح=ربــيــــط قــيــد او ضــايعـــات الـمفـاتـــيح
اصــعب سـهل بـمناقـض الجمع للطرح=واســهل صعب لاصـرت تحـتاج تصـحـيح
الــفـرق واضـح بـين الاحـزان والمرح=وبــيــن الـــضحوك ومـــن يـــجر التناويح
عـــزاه يــاقـلــب العنى سارحه ســـرح=مــثــل العـصـــى بيــديـاً خبل الســــواريح
لويــنـطــلق من داخـــلي قلـــت له رح=روح او ريـــــحني وعيــــش التـــــــفاريح
من حــزني المكبوت علــيت بالصرح=اولــــه لــمـعة بــــرق واخــــره تجــــريح

عبد الله المعزي

[محمد المقبل]

الاخ عبدالله المعزي

صح لسانك وسلمت يمينك أهدا جزل وصالح يستاهل كل جزل,,برق الشمال اللي جرح بالسماء جرح

تصوير رائع من شاعر متمكن

مع واقعي وقفت عاجز عـن الشـرح ،،، ربيـط قيـد او ضايعـات المفاتيـح

صح لسانك مرة ثانيه ولاتحرمنا من تواصلك

تقبل تحياتي

[صالح العرجان]

يقولون الهدايا تجي على قدر مهديها....

وانت قدرك على العين والراس ....



للمعلوميه القصيده هذي ما اكتملت الا بعد 4 سنوات من مطلعها ..

اذكر ان عبدالله المعزي كان طالع دوره لباكستان مع القوات البحريه السعوديه وكان وقتها ربيع وخضار ونفسه ماهي مطيعته يروح

فاوهو بالسياره لمع برق وراه والتفت له وتهيض بالبيت الاول::


برق الشمال اللي جرح بالسماء جرح
..//................كيف اتمكن وامكن الـروح لاصيـح

بنفس الرحله معه ولد عمه سمع البيت وحفظه بعد فتره اللي هي 4 سنين كانوا طالعين من المسجد فاولد عم عبدالله قام يردد البيت قدام عبدالله

قاله عبدالله الله منهو له هالبيت قاله لك تذكر يوم ويوم ذكر عبدالله الحدث وكيف كان عليه في ذاك الوقت وتممها


سمعت القصيده هذي 100 مره ومسجلها عندي بالجوال ومع ذلك كل ما اسمعها يخالجني نفس الشعور من الاعجاب اللي مريت به اول مره


المملكه كلها بصوب والشمال العذي لحاله بصوب


اهداء للك..!

وجه الشمال اللي يعطر من الهيل
..//...............يسوى الجبيل اللي كسته الرطوبه


مشكووووووووووووووور على الاهداء

وصح لسانك.

[عبدالله التركي]

الله يعطيك العافيه يا عبدالله المعزي وقصيده علوه رائعه الى الامام مع تحياتي وتمنياتي بمستقبل مشرق رائع بكل المقاييس في حياتك الشعريه والعمليه والاجتماعيه

[فهد الخدلي الفدعاني]

برق الشمال اللي جرح بالسماء جرح
كيف اتمكن وامكن الـروح لاصيـح

الله يا برقـاً دعـى نـازف الجـرح
هماً لجاء بيـن الضلـوع المجاريـح


صح الله لسانك


ولاهنت

[مشاري سليمان]

الشاعر عبدالله المعزي



الاهداء كفو لرجال كفو


رائعه جداً

صح لسانك

[صالح العرجان]

يسمح لي اخوي عبدالله بالرد


كفوك الطيب يا راعي البويضا محصلين الطيب باالايام المعاسير ما هو بوقت الرخا.