اليكم الجديدوفيها نوع من الفكاهه حصلت هذه المناقشه بيني وبين القلب ولاطلعنا بنتيجه
وطرحت الموضوع على اخوي الشاعر جمال الرويلي لعله يحل هذه المشكله
لاضاق صدرك واتعبتـك الكوابيـس=أزبن على راعي الوفـا والشهامـه
راعي العليا متعب الخيـل والعيـس=ياسعد عين اللـي يحطـه احزامـه
اليـوم قلبـي متعبتـه الهواجيـس=ولافـاد معـه النصـح ولاالملامـه
أول يبـي لارا واليـوم لامـيـس=تعبـت عطنـي الحـل يابواسامـه
المشكله باالحـب مايعـرف يقيـس=كل زول شافه قـال ظبـي العدامـه
اركض وراه ودوم نرجـع مفاليـس=قلب العنا مطفوف مـدري علامـه
انا كبـرت وهـو مايلعـن ابليـس=تطري عليه احيان يبغـى المنامـه
باقي خضر ويدورخلـف الكواليـس=يقول خل عنك الكسـل والرخامـه
انهض تلحلـح يابعيـد المراميـس=أنته صغيـر وفيـك ملـح وسامـه
اقول له ياقلـب هـذي وساويـس=درب الهوى ياشيـن هـم وندامـه
من قبلنا ياقلب وش صارمع قيـس=وعنتر وغيره من رجـال الزعامـه
أتعبتنـي ياقلـب ماتفتهم(هيـس)=والظاهـر انـك ماتبيلـي السلامـه
جمال شف لي حل مع (لقطة غليس)=وش حيلـتـي بالله يابـواسـامـه
فرحان الفدعاني
بتاريخ /25/7/1429/
ورد على القصيده الشاعر جمال الرويلي وهذا رده
حـي الله الشاعربعيدالمراميـس=يامرحبا بـك يازعيـم الزعامـه
حييت يـاراع الوفاءوالنواميـس=من حدعرعرليـن حـد المنامـه
قدرك حقيقي ماتشيلـه قراطيـس=ولاجهاز ومنتـدى مـن مقامـه
معزتك فوق الحكـي والمقاييـس=لك يابن وايل بالمواقف شهامـه
ماإنتى من اللي غايته منبع الكيس=يوم إن غيرك لي عليـه الملامـه
لك موقفن يشمخ على كل تدليس=منساه والله ليـن يـوم القيامـه
واليوم أنا برجع على ضمرالعيس=وأشوف قصدك ثم احـدد مرامـه
لك يابوفايز من براد النسانيـس=فزعت صديقـآ مايغيـر كلامـه
دواس قاعن يابعدي مابعد ديـس=وأذا تكلـم فـي كلامـه علامـه
درب الهوى يقرع علينا المراويس=وحنا دفعنا فـي طريقـه غرامـه
مانشوف راداراتهم والمداسيـس=نهيم بالسرعـه ولوهـي ندامـه
تعال لي وأنا بجنـب المحاميـس=واركب معي وأبشر بجوالفخامـه
والله يلو لميس تسكـن اباريـس=لاغيـر نوصلهـا بعـز وكرامـه
كان انها بالنار حنـا المقابيـس=وكان انها بالمال نمسك أخطامـه
نستغفر الرحمن لو نركب ابليـس=والقلب وين القلب عند الوسامـه
فرحان يالفدعاني.بس فصل وقيس=وأنا علي اللبس وإلـف العمامـه
الشاعر جمال الرويلي
09/08/08, (01:44 AM)
لاضاق صدرك واتعبتـك الكوابيـس
العرض المتطور
