المهمل المنسي !!

[هلال بن مزعل العنزي]

عطش دامي أحسه والسفر مرهق=أبتنفس أبستجمع بعض أمسي
أبحيا شك وجداني بها المأزق=يقيني هزّه المجهول في رأسي
غروبك نور يقتاته جفا المشرق=تمرّد هاجسك وأهتزّ بي بأسي
سفر ترنيمة الهامس بلا منطق=عتب تلويحة الذابل على الممسي
لمحتك كبت بأسبابك غدى مطلق=وهمت بصمت جلساتي بعد همسي
دخيلك والأسى بالعاطفه أورق=وطفل الغربه آثرته على نفسي
كثير إكفوف زارتني قبل تغرق=وهزت جذع وجداني وجيت أرسي
أبادر كبريا حب ٍ وطعن أزرق=أعانقها وعاري حظها أكسي
أهمّش لذّة رقادي ولا تفرق=يهيم بضمّة الغيمة ضيا شمسي
ويوم اعتزت خلاني غديت أحمق=لقيت الوهم ينسج لي قلق حبسي
أنا يا صاح مريتك قبل تطرق=خفوقي يوم أشغلني بكم حدسي
أحس إيقاعك النّازف يبي يخنق=بقايا هامتي والوجد هو غرسي
إلا شفتك حزين أستصعبك وأرفق=لأنك في وناساتك سبب ونسي
وجيتك يوم أرهقني ضما" يحرق=كثر ما أدمنت ببحور الكِحِلْ غطسي
عدد ضيقة شراييني وظلم الحق=دبل ناس" فلا جتني على عرسي
أبي لي لو بعض فزعه أبسترزق=أبتشيخ مشاعر وامتطي كرسي
وش ذنوبي وباب العاطفه مغلق=وحلمي العاثر الخايف غدى عكسي
إذا منتب تواسيني وتتألق=وتنعش نكستي وتهين بي خرسي
ضروري تذكر لولفك وليف أوثق=مدام إني غديت المهمل المنسي

[عادل العايش]

شاعرنا هلال

صح الله لسانك

قصيده راائعه بروعة حظورك الدائم

دمت بخير

تقبل مروري

[الصقار]

صح لسانك شاعرنا هلالاحساس جميل..................
إلا شفتك حزين أستصعبك وأرفق
لأنك في وناساتك سبـب ونسـي

تقيل جل تقديري

[تركي صالح]

هلال مزعل العنزي

صح لسانك وسلم بنانك

على هذا النص الشعري الرائع

والذي أبحر بنا الى مراسيه الفاخره

وموانيئه الهاديئه

ليكون لنا معه هذا الانسجام والتناغم اللامحدود

دمت وسلمت

وتقبل فائق التقدير والاحترام

[سليمان الجعفري]

الشاعر/ هلال مزعل العنزي

صح لسانك وسلم بنانك على هذا النص الشعري الرائع

والذي أبحر بنا الى مراسيه الفاخره وموانيئه الهاديئه

ليكون لنا معه هذا الانسجام والتناغم اللامحدود

الله يعطيك الف عافيه ولاهنت يالقرم

تقبل تحياتي واحترامي

[بدرفهد الجعفري]

أبي لي لو بعض فزعه أبستـرزق
.........أبتشيخ مشاعر وامتطـي كرسـي

قافيه صعبه اجدت العزف عليها

صح لسانك

[هاوي]

الشاعر : هلال بن مزعل العنزي

احترامي وتقديري لك وصح لسانك الف مره ... لا ماتكفي مليون مره

عساك سالم