حايرن بين مايدري وبين الرحيل

[خلف المهيلان]

جـيت كلك غلا والود يضحك بنابه=وغصــ(ن)الاشواق مابين المحاني يميل
وفاح ليلي عطر وأغرق بعطرك ثيابه=من لمع نور وجهك صار كلش جميــل
وأمسح من وجه حزن السنين الكأبه=ولهفت الشـوق بعيون المشاعر د لـيـل
والهجوس الي من اول عليه عصابه=لاذبك عن شقاها القلب مثل الدخيل
وانت للقلب ياصدق الا حاسيس لابه=وعن هجيرالزمان لنبض قلبي مقيل
تعرف القلب غيرك بالغلا مادرابــه=حسبي الله على حبك ونعم الوكيل
كل مااحاول انسى قام يركي احرابه=صاحبك لويخفي جرح حبك عليل
والزمن ياحبيبي لو ومنا إنقـــلا بــه=كل يومــــــ(ن) يحط وكل يومن يشيل
كل مالاح برقـ(ن) للوصل بالسحابه=قلت جعله كريم ورحت اوقف واخيل
وامطرالحزن وجتاح النواظرضبابه=وإنفجر صمت حبري بالقصائد يسيل
وضعت بطلال وقتي بين ضيق وصبابه=وبين بكره يصير وبين لا مستحيل
وكل ماتقسي الا يام زدت بصلابه= ورحت ادور عن شعورالتشأم بديل
وكان قلبي هنا مدري من الي سرابه=مااذكره لي خوي والا ذكره لي زميل
راح خلسه وأنامدري بسرقه إنهابه=وذبت مابين شمعات الغلا والفتيل
ماشكيت لصحيب ولا شكيت القرابه=لن قلبي عزيز ولا بعرقه ذ ليل
وإنت كلك جميل وكل مابك ذرابه=لا تقطع شرايين بسل الصقيل
وإن قتلته هدر مهي بحكمك غرابه=قمة تلفح بوده مثل لفح الجديل
جرحك العام فيني ماتلا يم صوابه=ليش تطعـن بجثت واحد ٍبك قتيل
كل ماتلد طرفك غاصبه وارتكابه=وليل بعدك إلى منه تحالك طويل
تعرف المنجرف بالحب طولت أغيابه=حايرن بين مايدري وبين الرحيل

[سعود المسعودي]

صح لسانك على هالجزله


وتقبل مروري


ودمت بكل خير

[خلف الغريب]

جيت كلك غـلا والـود يضحـك بنابـه
...............وغص(ن)الاشـواق مابيـن المحانـي يميـل
وفاح ليلي عطر وأغرق بعطرك ثيابه
.................من لمع نـور وجهـك صـار كلـش جميـل
وأمسح من وجه حزن السنيـن الكأبـه
....................ولهفت الشوق بعيون المشاعـر د ليـل



الرائع خلف المهيلان ..

صح لسانك ونور المنتدى بهذه المشاركة الجميلة ...


الف تحية لك وبانتظار روائعك ..

تثبيت لهذا الجمال ..

[الصقار]

وإنت كلك جميـل وكـل مابـك ذرابـه
لا تقـطـع شرايـيـن بـسـل الصقـيـل
وإن قتلته هدر مهـي بحكمـك غرابـه
قمة تلفح بـوده مثـل لفـح الجديـل
~~~~~~~~~~~~

الاخ الشاعر خلف المهيلان
شكرا على هذه الرائعه ...
تقبل مروري مع جزيل تقديري

[هندي المقبل]

الشاعر العذب : خلف المهيلان

اهلا بك اسعدتنا بهذه المشاركه الجزله

قصيده تنبض بكل معاني الجمال والعذوبه

صح لسانك

[بدرفهد الجعفري]

جيت كلك غـلا والـود يضحـك بنابـه ................ وغص(ن)الاشواق مابين المحاني يميل
وفاح ليلي عطر وأغرق بعطرك ثيابه .................من لمع نور وجهك صـار كلـش جميـل


صح لسانك ..

قصيده في غاية العذوبه والجمال

خلف المهيلان

صح لسانك

[عاشق المعالي]

صح لسانك

الشاعر خلف المهيلان

صح لسانك وتقبل مروري