فـجـر الأمـانـي .. ؟

[صالح الضويحي]

اسعد الله اوقاتكم بالخير والمحبه ..والشكر والتقدير لـ كل من شرّفني بـ حضوره ..

فجر الأماني غير..واحكايتـك غيـر=ياهل تـرى للغيـر باقـي مسيـره؟
كنت أحسب أن "الغير " ضمن المسايير=أثره مقيم ولا علـى الأرض غيـره
عن السمـأ يالغيـم .. لاتنشـد الطيـر=أنشد غبـار الأرض .. مـن يستثيـره ؟
بين المواجع .. والمدى .. والتباشير= صوت الضمير .. وهالقصيد وعبيره
واللي بصـدري واردات .. ومصاديـر=طعـون وقتـي .. كـثّـر الله خـيـره
مااقدر أكابر.. وأدخل الصـف.. وأثيـر=غيـرة أمـم ..والطاولـة مستـديـره
أنا كذأ ربي خلقنـي .. كـذا أصيـر=ياشرهة الوقـت التعيـس .. الأخيـره
أبقتـل الأحسـاس ..وأغطـي البيـر=وأردم حوانيـت القصـور الوثيـره
قبـل يمـد الكـأس كـف المقاديـر=على القرين اللي مصيـري ..مصيـره
ماقلت لك يالهم ..تصبـح علـى خيـر=تـوي بديتـك ..ياطويـل المسـيـره
لو ما أنت بأحساسي تعيد الأساطيـر=طويت صفحـات الحيـاة القصيـره
شف كيف ..رزمات الورق ..والطباشير؟=وشف كيف.. تغييب السيوف الشطيره!
هنا.. غيابك له علـى الكثـر تأثيـر=وهناك.. لك في " ندرة الشي " سيره
وأنا لك الله.. ماوصلـت المحاذيـر=دمي شرب ( غيم السما) من غديـره
أقراء تفاصيل الوجيه المسافير=وأفـز للطيب وفاء.. وأسـتـشــيـــره
صمتي حزن.. يعني حزن دون تفسير=وشوفي عمأ .. وعيون عقلي بصيره
كيف أتبراء منك؟ وأرضيـك تقديـر=ليه أظلمك والوقـت ميّـت ضميـره
خذني معك ..وأكتب حياتـي مشاويـر=وسولف لهم .. عنـي بكـل السريـره
أنا كذا.. ربـي خلقنـي كـذا .. غيـر=ياشـرهـة الوقـت .. التعيس الأخيـره

[سعوط المجانين]

صالح الضويحي

صح لسانك شاعر من الطبقه الاولى وحريص على متابعة جديدك فلاتحرمنا الجديد

تقديري

[صالح الضويحي]

المشاركة الأصلية كتبت بواسطة سعوط المجانين

صالح الضويحي

صح لسانك شاعر من الطبقه الاولى وحريص على متابعة جديدك فلاتحرمنا الجديد

تقديري

سعوط المجانين

اهلا بك


الشِعر وكاتبه يرفعا رايات الفخر والاعتزاز
بتواجدك وانطباعك وحرصك.. سعدت كثيرا
وتشرفت اكثر بكرم حضورك .. لاهنت ..


شكرا من القلب ..لاعدمتك ..



تحياتي

[خلف الغريب]

لي عودة قريبة لهذه الفاتنة بعد التثبيت ..

صح لسانك عدد ما فيها من الجزالة..

[صالح الضويحي]

المشاركة الأصلية كتبت بواسطة خلف الغريب

لي عودة قريبة لهذه الفاتنة بعد التثبيت ..

صح لسانك عدد ما فيها من الجزالة..

خلف الغريب


لا اجد ما اكتبه امام هذا الأحتفاء .. الوفاء..
الا.. شكرا لاينتهي .. يسمو لك ويليق بك..
ولكل حرفٍ اكتبه ويرقى لذائقتك ويشرّفني بتواجدك ..

سعدت بحضورك وسـ اكون اكثر سعادةٍ بـ عودتك


لاعدمتك


لك الحب والتقدير

[هندي المقبل]

الكبير بقدره وشعره صالح الضويحي

احيانا يكون الصمت ابلغ من الكلام

لذلك سوف التزم الصمت حيال هذه الرائعه

فقط انا هنا لتسجيل اعجابي .

[صالح الضويحي]

المشاركة الأصلية كتبت بواسطة هندي المقبل

الكبير بقدره وشعره صالح الضويحي

احيانا يكون الصمت ابلغ من الكلام

لذلك سوف التزم الصمت حيال هذه الرائعه

فقط انا هنا لتسجيل اعجابي .

هندي المقبل


مرورك تشريف
ومصدر فخر واعتزاز


وبك وامثالك يسمو الشعر ويطيب الحضور


شكرا لمايسجده حرفك من لغة وفاء

لاتستغرب عليك


لاهنت ولاهان مقدارك

تحياتي لك