ثقـــــــــــــافة غــرب؟؟؟

[طلال الايداء]

يابنت لحظه بس ممكن تعيّدين
مطلبك صعب ولا يقوله لساني

قالت حضاره قلت ياربي تعين
وش هالحضارة اللي تعري المباني

قالت تفتح قلت ناس" مساكين
عاشوا ثقأفة غرب بأسلوب ثاني

انا بدوي وتحكمه لابه ودين
عندي مبادي والسلوم تحماني

ماخاوي الا رجال طيب وميامين
اللي لهم بالجود عز ومعاني

اذا كشخت وطّرت لدبي يومين
وارجع وانا طفران كلي يعاني

وانتي على لندن ومراات برلين
تستقبلك كل الدول والمواني

كذا رضينا بالبساطه قنوعين
احلامنا طيب وبراءة واماني

ماني مثل بعض الشباب السفيهين
اللي لهم بالجنز مجد وتفاني

سوى (كدش) ويحط (حمر الشفاتين)
والقابهم مابين (دودي وناني)

مايطلع الا كاشخ (وكاحل العين)
مافرقه مابين (نجلا واماني)

قولي (تخلف ) قد مانتي تقولين
ولاابقى مثل ناس"عثوا في زماني

اذا كذا عاجبك اهلا" وسهلين
واذا ماهو بعاجبك تلقين ((ثااااني))

[فهد السلقاوي]

مبدع مبدع مبدع


راااااااااائع قصيده رائعه وشاعر متمكن


واسلوب جميل


تحياتي لك

اخوي طلال


اخوك فهد السلقااااوي

[علي السابل]

صح لسانك ياطلال

قصيده جميله شعرا ومضمون

قولي (تخلف ) قد مانتي تقولين
ولاابقى مثل ناس"عثوا في زماني

ياسلام عليك

تقبل الود والتقدير

[هندي المقبل]

الشاعر طلا الايدا

كما عهدناك دائما مميز وكبير في شاعريتك

صح لسانك على هذه القصيده الجميله

تقبل اعجابي

[أبو غرام]

لله درك يالايداء

ابدعت وتفننت يالبناخي

نص جزل من راس جزل

والله يوسعها علينا وعليك ونروح ونجي لندن ولانرجع نعاني ^.^

وبالفعل

اهم شيء بالشخص مبدأه

[بنت راشد]

الشاعر طلا الايدا



نص جزل من راس جزل

صح السانك مليون ولا يكفون

[ماجد الغانم]

الغاااالي
طلال الأيدا

صح لسااانك ..ولاهنت

حضور متميز ..........

دمت بكل خير ودام هذا التميز

لك مني كل التقدير والاحترام