مرحبا بكم .. اول قصيده لي بالمنتدي انشالله تعجبكم ... - °~*¤®§(§ شبـــكة ويــلان العـربـيـه §)§®¤*~ˆ°

**المهندس2009** · 06/12/09, (10:17 PM)

بسم الله الرحمن الرحيم

السلام عليكم ورحمة الله وبركاته

شفت الجفا ياصاحبي منك وصدود=عقد الموالا مايجوز انشقاقه
البغض شين وكل نفس لها حدود=مايحتمل غيض تجاوز عناقه
مابيننا كانت مواثيق وعهود=صداقه ماقيل حطم وثاقه
ذرية آدم مابين حاسد ومحسود=والناس يعرف جلها من دقاقه
هرج القفى لاتسمعه غير ماكود=خص(ن) اليا جابه وليف الثقافه
ان ماجعلت الباب مغلق ومسدود=جابوا خفيك بالعلوم الرقاقه
عيبك حلال ولاخبر فيك منقود=الذود احلى من حليب بناقه
والصبر زين وبكل الاحوال محمود=آخرة حلو لو كان مر مذاقه

وسلامتكم ..

قابله للنقد

وشكرا

**صالح السالم** · 06/12/09, (10:36 PM)

صح السانك يالمهندس وابشروا يا اعضاء المنتدى بمولد شاعر

اقول وللامانه قصيده رائعه ينقصها التركيز في الوزن في بعض الابيات ولكن لا يذهب جمال القصيده وسأبين لك بعض الخلل في الوزن

اقتباس:

ذرية آدم مابين حاسد ومحسـود

الصحيح هو:
ذرية ادم بين حاسد ومحسود
ما هنا كسرت الوزن

اقتباس:

الذود احلـى مـن حليـب بناقـه

كذالك هناك خلل بالوزن والمعنى غير واضح بالنسبه لي

اقتباس:

والصبر زين وبكل الاحوال محمود
آخرة حلو لو كـان مـر مذاقـه

الصحيح هو
الصبر زين بكل الاحوال محمود

الواو زائده كذالك العجز فيه ثقل

لكن القصيده اكثر من رائعه واجمل من الكثير من القصائد التي تنشر بهذا المنتدى

تقبل ملاحظاتي وصح السانك ملايين ونتطلع لجديدك