هــــــــــــــــدة الطيــــــــــــــر - °~*¤®§(§ شبـــكة ويــلان العـربـيـه §)§®¤*~ˆ°

**سعود المسعودي** · 29/12/09, (09:11 AM)

سعود المسعودي وهدة الطير=
-----------------------=
-------------------=
-----------=
يابوفهد من يوم جت هدة الطير= وصدرت اوامر سيدي بالسماحي
هيا نبي نمشي سوات المداوير= بارض(ن)تزودفرحتي وانشراحي
خطات روض (ن)مالفحنه معاصير=ريح الخزاما والنفل فيه فاحي
ومعنا أشقر(ن)ماقلبوه الصقاقير=عذب المقاطع من جميع النواحي
الياهاز طلعه ماتجيبه تغايير=مايشتبه بالطلع من يوم لاحي
وان شاف خطو الخرب يبي الكوابير=مثل الشجاع الياسمع بالصياحي
وان روحن اطيار مثل المناحير= يعجبك يومنه يظف الجناحي
هواي والله هدعوج المناقير=وشوف الفياض ومشيت(ن)بالبياحي
بقفر(ن) وسومه من وسوم المباكير=ولا دوجوه مدورين الصلاحي
اهل الغنم واهل البكار المصاغير= اللي جنبها حال دون الطياحي
وحفر الوجار وشبت النار بعصير= وجذي الدلال وقومت(ن)اللفلاحي
ربيع عمري في حياه المسافير= والا العمر لوطال تاليه ماحي

**مشاري بن فالح** · 29/12/09, (12:37 PM)

بقفر(ن) وسومه من وسوم المباكيـر
..................... ولا دوجـوه مدوريـن الصـلاحـي

الراقي والقرم // سعوووود

صح لسانك يالغالي
قصيده جزله يالصقر ....

راقت لي جدا ..... وشاش راسي مع ابياتك ...

تسلم شاعرنا الغالي ...... وانتظر جديدك يا بعد راسي

:

:

راعي أكـّـحـلا

:

:

**سعود المسعودي** · 04/01/10, (04:24 PM)

اقتباس:

المشاركة الأصلية كتبت بواسطة مشاري بن فالح

بقفر(ن) وسومه من وسوم المباكيـر
..................... ولا دوجـوه مدوريـن الصـلاحـي

الراقي والقرم // سعوووود

صح لسانك يالغالي
قصيده جزله يالصقر ....

راقت لي جدا ..... وشاش راسي مع ابياتك ...

تسلم شاعرنا الغالي ...... وانتظر جديدك يا بعد راسي

:

:

راعي أكـّـحـلا

:

:صح بدنك

الراقي والجزل مرورك المشرف ياراعي الكحلا