وكم عالم بالناس ماهو بمعلوم= وكم جاهلٍ معلوم باسمه رباعي - °~*¤®§(§ شبـــكة ويــلان العـربـيـه §)§®¤*~ˆ°

**محمد العاند** · 17/01/10, (06:42 PM)

بسم الله الرحمن الرحيم

اخواني اعضاء وزوار هذا المنتدي الشامخ
اضع بين ايديكم هذه القصيده وارجو ان تنال القليل من اعجابكم

البارحه والشعر بالراس مزحوم = وكن الفضا ماعاد فيه اتساعي
وشوفي بعينى والكرى يطرد النوم= جاني وانا مالي عليه استطاعي
دار الزمان وشاهد الشعر مرحوم= حتى لبس راع الهزيله قناعي
شاعر ولا وثق قصيده عن القوم= حتي غدت منه الحصاني سباعي
شاعر رفعت خشوم ونزل اخشوم =واحوش رزقي من سواعد اذراعي
ونفسي على ذنبي توردني اللوم= ولانى على الدنيا كثير الطماعي
ومن خلقتي ما اسوق رجلي على رخوم= وليا سعو لي فلت هذا انقطاعي
واشوم عن شيخ الردى وابعد الحوم= واقرب الطيب ولو كان راعي
حتى لو انى صرت بالناس مذموم= ما احمل اخصال النفاق بمتاعي
ساأتني وانا بلياك مهموم= ودك تدون قصتى وانطباعي
يا صاحبي يمكن مقدر ومقسوم= تكتب مقادير الليالي ضياعي
وكم عالم بالناس ماهو بمعلوم= وكم جاهلٍ معلوم باسمه رباعي
الوضع ماهو وين ترجع من القوم= يا صاحبي ماعاد للقوم داعي
شف كيف صار الحر يلعي مع البوم= وحتي الدجاجه في زمانك تعاعي
ونجوم صارت بالسماء ماهي نجوم= دقق بها تلقي بعضها اصطناعي
وياصاحبى حتي القمر دونه غيوم= وماعاد يرسل للبسيطه شعاعي
تبغي الحقيقه وضعنا صار مفهوم= يعني كثير من اطيب الناس ضاعي
واليوم هذا بين حاكم ومحكوم= وضاعت مفاهيم البطل والشجاعي
هذا وانا ماني على الشعر ملزوم = لاكن هجوم بثورتي واندفاعي

**طلال** · 17/01/10, (07:39 PM)

لاكن هجوم بثورتي واندفاعي

محمد العاند صح الله لسانك مليون

شاعر يامحمد تستحق المتابعه

بقوووووووووووووووووه

سجل عجابي

**سعد حجيوي** · 17/01/10, (08:59 PM)

محمد صح لسانك وعلا شانك

**محمد العاند** · 20/01/10, (10:30 AM)

اقتباس:

المشاركة الأصلية كتبت بواسطة سعد حجيوي

محمد صح لسانك وعلا شانك

سعد حجيوي

صح بدنك والله لايهينك

**محمد العاند** · 20/01/10, (10:29 AM)

اقتباس:

المشاركة الأصلية كتبت بواسطة طلال

لاكن هجوم بثورتي واندفاعي

محمد العاند صح الله لسانك مليون

شاعر يامحمد تستحق المتابعه

بقوووووووووووووووووه

سجل عجابي

طلال

صح بدنك والله لايهينك

وبقققققققققققققققققققققققققوه

**البدر** · 18/01/10, (01:42 PM)

ونجـوم صـارت بالسمـاء مـاهـي نـجـوم..............دقــق بـهـا تـلـقـي بعـضـهـا اصطـنـاعـي
وياصاحـبـى حـتـي القـمـر دونــه غـيـوم...............ومـاعــاد يـرســل للبـسـيـطـه شـعـاعــي

تصوير بديع جدا

صح لسانك يامحمد

هاذين البيتين عن قصيده كامله

**محمد العاند** · 20/01/10, (10:33 AM)

اقتباس:

المشاركة الأصلية كتبت بواسطة البدر

ونجـوم صـارت بالسمـاء مـاهـي نـجـوم..............دقــق بـهـا تـلـقـي بعـضـهـا اصطـنـاعـي
وياصاحـبـى حـتـي القـمـر دونــه غـيـوم...............ومـاعــاد يـرســل للبـسـيـطـه شـعـاعــي

تصوير بديع جدا

صح لسانك يامحمد

هاذين البيتين عن قصيده كامله

البدر

صح بدنك والله لايهينك دمت ودام مرورك العطر