وطنيه احب ان ترقى لذائقتكم - °~*¤®§(§ شبـــكة ويــلان العـربـيـه §)§®¤*~ˆ°

**فواز الشبيكان** · 01/03/10, (02:20 AM)

بما انها المشاركه الاولى لي بهذا الصرح اتمنى ان تكون وطنيه تعجب الجميع

يسعد صباح المملكه دين وكتاب=في ضل ابو متعب أمن كل خايف
اللي ملك كل المشاعر والألباب=انا اشهد إنه حب ماهو بزايف
ياخادم البيتين يا عز الأنساب =كلٍ يشوف إنك على الشعب رايف
ياممن البيتين من كل حراب= امن وامان الكل عاكف وطايف
ولي عهدك كاسبٍ كل الالقاب=راع الكفوف الطاهرات النظايف
سلطان راع المجد فكاك الانشاب=كريم سبلى زاهيٍ بالوصايف
للعز باب وفاتحٍ للكرم باب=الحاتمي اللي صعد للنوايف
وحنا ترى ياسيدي شايب وشاب=علة نحر لاهل الفتن والهدايف
وتبت يدين اهل الضلاله والارهاب=اللي غدوا هم والخوارج ولايف
يديرهم ضد الوطن روس الاجناب=مابين ذاك وذاك صارت حلايف
اللي يبون المملكه تشبه الغاب=مادريوا ان الامن بيدين نايف
ابن المليك اللي له العز مرقاب=راع الثقايل ماالتفت للخفايف
نايف غدا للامن واقف وطلاب=حامي حماها بالسيوف الرهايف
من دونها ياكثر ماقص الاشناب=جل البلاوي عند نايف نحايف
وحنا سعوديين ناخذ بالأسباب = للموت موت وباللطايف لطايف
نفدا وطنا لو على قطع الارقاب=ماهمنا كثر الحكي واللغايف
ناطى على الحيه وناطى على الداب =ولايلحق الشعب السعودي كلايف

وسلامتكم

**خلف الغريب** · 01/03/10, (09:22 AM)

صح لسانك ولا هنت على مشاعرك الوطنية الجميلة التي لا تستغرب منك فأنت من اهل الوفاء والولاء ..

حضور اول جميل يجعلنا نطمح للمزيد اخوي فواز ..

تحياتي لك..

**فواز الشبيكان** · 02/03/10, (01:39 AM)

اقتباس:

المشاركة الأصلية كتبت بواسطة خلف الغريب

صح لسانك ولا هنت على مشاعرك الوطنية الجميلة التي لا تستغرب منك فأنت من اهل الوفاء والولاء ..

حضور اول جميل يجعلنا نطمح للمزيد اخوي فواز ..

تحياتي لك..

===============
الله لايهينك اخي الشاعر خلف الغريب وعلمك الغانم سابق
ومرورك نور للموضوع وشاكر مرورك

**masha3el ** · 01/03/10, (10:05 AM)

الشاعر الرائع
‏فواز الشبيكان
صح لسانك مليار على النص الرائع بحق مشاعر وطنيه صادقه ‏
ولغه الوفاء نابعه من حب الوطن والإخلاص له
ما شاء الله عليك وحمستنا لقراءه ابداعاتك وبانتظار جديدك وأتمنى لك التوفيق
‏تحياتي ومودتي

**فواز الشبيكان** · 02/03/10, (11:38 PM)

اقتباس:

المشاركة الأصلية كتبت بواسطة **masha3el **

الشاعر الرائع
‏فواز الشبيكان
صح لسانك مليار على النص الرائع بحق مشاعر وطنيه صادقه ‏
ولغه الوفاء نابعه من حب الوطن والإخلاص له
ما شاء الله عليك وحمستنا لقراءه ابداعاتك وبانتظار جديدك وأتمنى لك التوفيق
‏تحياتي ومودتي

===========================
شاكر مرورك المشرف اخت مشاعل

**تركي علي الخالدي** · 01/03/10, (05:36 PM)

الوطن يستاهل منا اكثر واكثر يافواز

وانت قدمت في هذه القصيده مشاعر وطنيه جميله

صح لسانك وتقبل اعجابي

**فواز الشبيكان** · 04/03/10, (02:48 AM)

اقتباس:

المشاركة الأصلية كتبت بواسطة الخالدي

الوطن يستاهل منا اكثر واكثر يافواز

وانت قدمت في هذه القصيده مشاعر وطنيه جميله

صح لسانك وتقبل اعجابي

الخالدي حياك ربي مرورك انار الموضوع لك مني اجمل الود