تذكريني - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز العدواني** · 20/03/10, (01:01 AM)

أرجوك لحظه وقفي واسمعيني = فرصه عطينيها وانا اعطيك دنياي
تذكريني واذكري واذكريني = وانسي خطاي وجاوبي صوت شكواي
حني علي اليا سمعتي ونيني = ومن دون قلبي لا تحديني اقصاي
غلاك لو تدرين بيني وبيني = اخاف من هرج(ن) تباشر به عداي
جيتك على المسحوب والا الهجيني = غنيت به لين انقطع حبل رجواي
غوصي بحوري واستحلي عريني = واستوطني يمكن تملك حناياي
وارتاح وانتي تفرحين بحنيني = لا صافحت كف الندم ضيعة دواي
أنا غديرك وانتي اجمل سنيني = لا تاخذين الكاس من غير يمناي

**سعود المسعودي** · 20/03/10, (01:23 AM)

صح الله لسانك وتعلا شانك

**غاده العتيبي** · 20/03/10, (02:07 PM)

الشاعر عبدالعزيز العدواني‏ صح لسانك وسلمت
‏

**سعد النفج** · 24/03/10, (10:38 PM)

عبدالعزيز العدواني ..
الله الله
ابيات راقيه و رآآآئعه..
شاعر مميز يا بو عبيد ..
صح لسآآآنك لين ترضى ..
شاعر عذب و شاعر متمكن ..
دمت بخير و لا تحرمنا جديدك ..

**حمد الخمعلي** · 25/03/10, (09:09 PM)

الله الله عليك ياعبدالعزيز

شاعر جزل وقصيده فيها من الشاعريه الفذه

كُن بخير

**سالم العنزي** · 28/03/10, (03:27 PM)

عبدالعزيز العدواني

انت شاعر بلا شك وكل ثصيده تطرحها افضل من الاخرى

ولا املك الا ان اقول لك صح لسانك .

ولكن لي عتب اخوي عليك وهو انك لاتشارك من يتفاعل مع قصيدتك هذا التفاعل

ودي وتقديري لك

**أبو غرام** · 29/03/10, (12:23 AM)

الله عليك الله

صح لسانك على هالابيات الرائعه

جميله من جميله وعسى من قلتها فيه
لك يعود ومايبعد

لك من اخيك كل الود والتقدير