اذا ســــرقت أســــرق جـــمل ! - °~*¤®§(§ شبـــكة ويــلان العـربـيـه §)§®¤*~ˆ°

**بدر الخلاوي** · 27/05/10, (03:48 PM)

اخواني واخواتي السلام عليكم ورحمة الله وبركاته اليكم هذه المتواضعه

اســــرق جمـــل

سلام تسليمة غلا واحساس صادق واحتـــرام = تسليمتن من طيبها طابت عرب من طيبـــها
شاعر ولي وجهة نضر واقولها حسب النضام = لو كان مافرضها على العالم لزوم ابدي بها
صحيح حنا مجتمع نرفض نضام الانقـــسام = والكلمه اللي ماتجي في وقتها مالي بــــها
وان شفت لي شين حرام اقول ذا شي حرام = حاجه ماني راضيبها يعني ماني راضيبـــها
رفعت نفسي فوق فوق وطاولت فوق الغمام = ولو انزلت نفسي تحت حرام لا اضحيبــــها
محمد الهادي موصينا عليه ازكــــــى سلام = نهى عن التفريق في خلقه حسب ترتيبـــها
وانا لو اسولف لبكــــره ماتعبــــــت من الكلام = واذا انتهت جمله مفيده غيرها باديبــــها
ياالصاحب اللي رشحوك الربع وامسكت الزمام = معك سيوف السيطره ويش الهدف توميبـــها
اذا معي وضعك تمام انا معك وضـــــــعي تمام = وكلن معه سنارته وسط البحر يرميبــها
ماودي اكشف ماخفى والنـــور جلــــاي الضلام = يمكن علومك تنكشف كل العرب تدريبــــها
لياسرقت اسرق جمل والسيف قصاص العضام = والسرقه اللي واضحه كل العرب تفتيبــــها

**زيدان الصقري** · 27/05/10, (03:54 PM)

بدر صالح الخلاوي

قصيده من الوزن الثقيل

معاني كحد السيف

صح لسانك

**بدر الخلاوي** · 02/06/10, (03:04 AM)

اقتباس:

المشاركة الأصلية كتبت بواسطة زيدان الصقري

بدر صالح الخلاوي

قصيده من الوزن الثقيل

معاني كحد السيف

صح لسانك

اخوي الغالي زيدان الصقري صح بدنك واتشرف بمرورك لاخلى ولا عدم واعجابك بقصيدتي اكبر فخر
سلمت وسلم مرورك ودمت ودام وجودك

**بنت راشد** · 27/05/10, (04:39 PM)

رفعـت نفسـي فـوق فـوق وطاولـت فـوق الغمـام=ولــو انـزلـت نـفـسـي تـحــت حـــرام لا اضحيـبـهـا
بدر صالح الخلاوي صح لسانك

**بدر الخلاوي** · 02/06/10, (03:06 AM)

اقتباس:

المشاركة الأصلية كتبت بواسطة بنت راشد

رفعـت نفسـي فـوق فـوق وطاولـت فـوق الغمـام=ولــو انـزلـت نـفـسـي تـحــت حـــرام لا اضحيـبـهـا

بدر صالح الخلاوي صح لسانك

اختي الغاليه بنت راااشد صح بدنك وصح كلك تشرفت بمرورك دام حضووووووووورك
تقديري ومودتي .

**أبو غرام** · 27/05/10, (05:12 PM)

الخلاوي

صح لسانك على مابحت به

واعتلا شانك ولاحرمنا من حضورك الجميل على الدوام
اخوك ابو احمد

**بدر الخلاوي** · 02/06/10, (03:08 AM)

اقتباس:

المشاركة الأصلية كتبت بواسطة جائز المليحان

الخلاوي

صح لسانك على مابحت به

واعتلا شانك ولاحرمنا من حضورك الجميل على الدوام
اخوك ابو احمد

اخوي الغالي جائز المليحان صح بدنك وصح كلك الله لايحرمني منك ومن مرورك ومن متابعتك كلي فخر
تقديري وموووودتي