الورد الاصفر بعد هجرك .. رمادي!!

[مشاري بن فالح]

السلام عليكم

يقولون ..

( لابد من عقب التجمـّاع فرقا ** وعزي لمن حظّه مع الناس غرّه )

متواضعه بين ايديكم فتقبلوها كما هي ....

الورد الاصـفر

اذكريني لو بغيتي الصد يابنت ونويتي = اذكري قلبن وفالك في زمن كله خيانه
اذكري كم كان من يمك وعود وكم نسيتي = لو رحلتي صدقيني هاجسك غادر زمانه
العمر لجلك رهنته للاسف وانتي نهيتي = حلمي اللي قد بنيته قد تلاشى من مكانه
شوفي ان الورد الاصفر يوم شاف انك مشيتي = صار من هجرك رمادي! والدمع يسقي جنانه
سامح الله كبريائك ذا قرارك به خطيتي!! = كيف قلبي تذبحينه بعد ماخذتي حنانه
في غيابك غاب ضي الشمس عني!!.. مادريتي؟ = وانكسر فــيّ القصيد وصورة البيت وكيانه
كم ليالي صرت اعاني ساهرن وانتي غفيتي = وكم نزف جرح الخفوق اللي خسر عندك رهانه
آه ياجرح المفارق كيف يبرا..! لاطريتي = لو برا جرحي يصيح القلب بسمك يا فلانه
اذكريني لو ضحكتي مع سواي ولو حكيتي = واسمحيلي لو اقول .. اللي تسوينه خيانه

الشـاعــر / مشاري بن فالح البدري العنـزي ( هاجس الحرمان)

:

:

[أبو غرام]

هاجس الحرمان

لله درك على ماتبوح به شاعرنا

فانت شاعر نرجسي نطرب للقراءة لك ونسعد

صح لسانك واعتلا شانك على ماتبدع به

لك مني كل الود والتقدير والمتابعه ياشاعرنا

[طلال معيض]

الشاعر مشاري
الابداع التميز التالق

كتبته في هذه القصيده
شكرا لك

تحياتي

[مشاري بن فالح]

المشاركة الأصلية كتبت بواسطة طلال معيض

الشاعر مشاري
الابداع التميز التالق

كتبته في هذه القصيده
شكرا لك

تحياتي

الشاعر/ طلال معيض
صح بدنك طال عمرك
وشهاده اعتز فيها يالقرم
اسعدني حضورك جدا

شكرا لك

:
:

[عاشق المعالي]

الله عليك يامشاري

دائما حضورك زاهي بكل الوان الجمال

لله درك وصح لسانك

[مشاري بن فالح]

المشاركة الأصلية كتبت بواسطة عاشق المعالي

الله عليك يامشاري

دائما حضورك زاهي بكل الوان الجمال

لله درك وصح لسانك

صح بدنك يالغالي
اسعدني حضورك جدا
والجمال هو حضورك يابعد راسي
شكرا لك

:
:

[سليمان مفضي العنزي]

ابيات شعريه تلونت بألوان الجمال فعلا

مشاري فالح صح لسانك على هذه العذوبه وعلى هذا الجمال الشعري

تقبل مروري واعدابي الشديد