شاعر وتسكن بروحه فرخ جنيه ؟؟ - °~*¤®§(§ شبـــكة ويــلان العـربـيـه §)§®¤*~ˆ°

**محمد بن موسى** · 20/06/10, (09:12 PM)

بسم الله الرحمن الرحيم

السلام عليكم ورحمة الله وبركاته

اعضاء ومشرفي شبكة ويلان العربيه
ابيات متواضعه اضعها بين ايديكم واتمنى ان ترتقي الى ذائقتكم الشعريه
وهي عبارة عن رد على مسج تم ارساله من قبل الاخ والشاعر / بندر السديري

فأحببت ان اطرحه بين ايديكم ..

ياحـي قــاف السديري ياهــلا حيه=ترحيبة(ن) من صميم القلب نبديها
يابندر ان كان فيك جروح مخفيه=وتشكي جروحك ولا تقدر تداويها
اسمع كلامي وانا لك مخلص النيه=كلمة مجرب دروب العشق ماشيها
الحب ماينعرف طيشه على غيه=دايم وناره ماتحرق غير واطيها
لكن مادام الهوى في حب ريميه=تهون لجلك بيوت الشعر نبنيها
ان كانها طيب وسلوم(ن) قبيليه=نرضي اهلها وتنعم في حسانيها
وان كانهم يطلبون ريال مع ميه=نفني لعينك ملايين(ن) ننميها
وان كانها بالمقاشر نارنا حيه=لعيونك نجيب اعاليها بواطيها
لنّجيش جيوش لعيون السعوديه=اللي غلاها سكن في قلب مغليها
لعيون بندر نجي ركّبي ورجليه=حتى ندك الصفوف بوسط اهاليها
وان كانها بالقصيد وشعر رديه=جتك القوافي توارد بأسم راعيها
شاعر وتسكن بروحه فرخ جنيه =مدري تغويه والا هو يغويها
شاعر ويملك معه لمسات سحريه=دايم بيوته عن الهزلات حاميها

**أبو غرام** · 21/06/10, (01:31 AM)

ونعم والله ياللي بيوتك عن الهزلات محميه

ولله درك وصدى رائع من الرائع ابو موسى

شهادتي بك مجروحه ولكن اسجل حضوري وتقديري
من خلال المرور استاذي من هنا
دمت بكنف المولى

**محمد بن موسى** · 21/06/10, (06:08 PM)

اقتباس:

المشاركة الأصلية كتبت بواسطة جائز المليحان

ونعم والله ياللي بيوتك عن الهزلات محميه

ولله درك وصدى رائع من الرائع ابو موسى

شهادتي بك مجروحه ولكن اسجل حضوري وتقديري
من خلال المرور استاذي من هنا
دمت بكنف المولى

اخوي الغالي // ابو احمد

صح بدنك ونبض قلبك

تسجيل بصماتك على متصفحي المتواضع بحد ذاته شرف كبير لي

وشهادة اعتز بها ووسام على صدري

دمت بود

**غموض الشمال** · 21/06/10, (02:35 AM)

صح لسانك ملايين أخوي محمد

و لاهنت على هذه الدره

رائعه من روائعك دمت شامخآ

تقديري لك

**محمد بن موسى** · 21/06/10, (06:10 PM)

اقتباس:

المشاركة الأصلية كتبت بواسطة غموض الشمال

صح لسانك ملايين أخوي محمد

و لاهنت على هذه الدره

رائعه من روائعك دمت شامخآ

تقديري لك

اختي / غموض الشمال ..

صح بدنك ونبض قلبك

اسعدني مرورك وتعطيرك متصفحي المتواضع

دمتي بحفظ المولى

**خلف الغريب** · 21/06/10, (09:56 AM)

صح لسانك اخوي محمد ووافي بكل الطرايق ..

الف تحية لحضورك

**محمد بن موسى** · 21/06/10, (06:11 PM)

اقتباس:

المشاركة الأصلية كتبت بواسطة خلف الغريب

صح لسانك اخوي محمد ووافي بكل الطرايق ..

الف تحية لحضورك

استاذي القدير / خلف الغريب

صح بدنك ونبض قلبك

اسعدني مرورك وتعطيرك متصفحي المتواضع

دمت بحفظ الرحمن