راحة البال

[عايض ابوشيبه]

الا يامدور راحت البال بعد الضيق =بوصيك واسمع في وصاتي وطبقها
تغانم حياتك من قبل لايجف الريق=وطاعة ولي الكون بالفعل حققها
وحافظ على خمس الفرايض بلا تفريق=ودور مداخيل الشياطين وأغلقها
تحلق بك الأفراح في عالمك تحليق=وتنسا همومٍ كان ودك تفارقها
ترى طاعة الله مصدر الرزق والتوفيق=وكل الخلايق رزقها عند خالقها
وسنة نبي الحق يلزم لها تطبيق=ويعنا بها من كلمة الحق ينطقها
وانا بأنصح المهموم ومدور الترويق=علاقتك مع رب المخاليق وثقها
ولاتتبع اهل الفسق من شلة التصفيق=وصادق رجالٍ ماندم من يصادقها
تعمق علوم الطيب في داخلك تعميق=ونفسك من احبال الشياطين تعتقها
وانا كل مابرقت في وضعنا تبريق=اشوف الأمور وتتضح لي حقايقها
قلوب البشر تقسا ويلزم لها ترقيق=وقرأن رب الكون بأمره يرققها
سبايب أذنوبٍ طوقت بالبشر تطويق=بضاعه بسوق ابليس يعرف يسوقها
ترى من توحل فالمعاصي لزوم ايفيق=قبل مايعم الحزن نفسه ويغرقها
نصيحه عسا لاقلتها للجميع اتليق=وبأدعي عسا توفيق ربي يرافقها

[عايدالعنزي]

الشاعر
عايض ابو شيبه

قصيده رائعه بروعتك

شاعر جزل

صح لسانك وعلى شاانك

لك تحياتي

وتقديري

[خلف الغريب]

صح لسانك اخوي عايض وابيات جزلة تحوي من الحكمة والنصح الشيء الكثير ..

الف شكر لحضورك الجميل

[البدر]

ياسلام عليك

ابيات جميله وطاورق يعجبني كثيرا

صح لسانك

[بدرفهد الجعفري]

عايض ابو شيبه

صح لسانك على هذه الابيات الجزله بكل ماتعنيه الكلمه من معنى


تقبل اعجابي الكبير بما تكتب