قلب الجبـــــان - °~*¤®§(§ شبـــكة ويــلان العـربـيـه §)§®¤*~ˆ°

**رابح الغضيان** · 07/08/10, (03:03 AM)

السلام عليكم ورحمة الله وبركاته

كل عام وانتم بخير

بلّغكم الله رمضان وبارك لكم بشعبان

عذراً .. احبابي هي ولدت هكذا.....

اصعب من الفزعه على قلب الجبان=وابعد من المده على كف البخيل
انك تمشيني على درب الهوان=تبطي عظم والذل يرضاه الذليل
ومن عاش بالمناة يصبر لو يهان=ومن لا كلى بيمناه يرضى بالقليل
قدري خذيته مع طويلين اليمان=يوم ان قدرك بالريال ومع عميل
اسمي يكفّي دون ماادفع له ضمان=خذيتها بالطيب والفعل الجزيل
والشان تسمع به ولا لك فيه شان=وإلا انا شاني ورث من جدٍ اصيل
لوقالوا العرّاف جدك من حصان=تبقى كدش تنهق وتحسبها صهيل
تضحك على نفسك مسوي بهلوان=ياعابد الوجهين ضيعت الدليل
ثوبٍ لبسته يالجبان ابن الجبان=ماهو بثوبٍ لك ولالك به حصيل
زمان ماانت بشي واغراك الزمان=حتى عرين الليث تبغى به مقيل
مع زحمة الاعلام والكلمه بيان=تحلم وحلمك ضاع في ليلٍ طويل
لو طبّل معمر وصفق لك عنان=لعبتك مكشوفه وحلمك مستحيل
ابا اسألك ممكن تجاوب باتزان=ماهو بنر وفلاش مع هرجٍ هزيل
موطنك وينه كان تزعم لك مكان؟=يوم العتاد السيف والبندق فتيل
العب بعيد هناك مع شلة روان=عمر المثلث مايسمى مستطيل

والسلام....

محبكم .. ابوهيــــثم

**بنت الكحيلا** · 07/08/10, (03:38 AM)

صح لسانك اخوي رابح الغضيان

قصيدة رائعه من شاعر متمكن

الله يعطيك العافية على هذا الإبداع

**رابح الغضيان** · 08/08/10, (02:52 PM)

اقتباس:

المشاركة الأصلية كتبت بواسطة بنت الكحيلا

صح لسانك اخوي رابح الغضيان

قصيدة رائعه من شاعر متمكن

الله يعطيك العافية على هذا الإبداع

هلا اختي الفاضله

بنت الكحيلا

صح بدنك

اسعدني تواجدك

تحياااااااااتي

**سالم صالح** · 07/08/10, (09:12 PM)

الشاعر الرائع/ استاذي ....

رابح الغضيان

صح السانك وفكرك على هذة الشامخة التي لاتاتي الا من جبل شامخ كشموخك

زمان منت بشي واغراك الزمـان

حتى عرين الليث تبغا بـه مقيـل

مع زحمة الاعلام والكلمـه بيـان

تحلم وحلمك ضاع في ليلٍ طويـل

ياسلام عليك يابو هيثم تغيب وتجيب الجزل بيض الله وجهك( ياليث الشعر) كفيت ووفيت

يقولون اتق شر الحليم اذا غضب

تقبل تقديري وودي واسف على تواضع ردي امام هذة الشامخة