احساسك الشعري في ورطة},,,)سعد النفج),,, - °~*¤®§(§ شبـــكة ويــلان العـربـيـه §)§®¤*~ˆ°

**احساس قلم** · 02/12/10, (08:54 PM)

السلام عليكم ورحمة الله وبركاته ,,, اصبحتم وامسيتم ببيـاض
لكم من كـل ترحيب اجمله ,, ومن الشعراعذبه ,, ومن التميز افضله ,, اشتقنا لمعانقةالابداع .

نواصل الابحار في عالم الابداع والشاعريه المتجدده مع شعراء ويلان المبدعين . في هذه الرحله الجديده مع ضيف جديد وشاعر مميز .

في هذه الرحله سوف نعيش الاحساس الشعري الصادق والحاضر دائما بتميز وابداع..
مع شاعرنا الرائع
.,,,... الشاعر:

(سعد النفج)

آليه الموضوع:

- سوف افتتح الموضوع بطرح سؤالين على الضيف .
- كل عضو من الاعضاء يريد ان يسآل الشاعر يجب ان يكون السؤال ببيت او بيتين او ثلاثه فقط .(حد ادنى بيت واحد وحد اقصى ثلاث ابيات)
- يجيب الشاعر على الاسئله بنفس القافيه والوزن.
- الاسئله تكون شعريه من تآليف الشاعر فقط.
- مدة هذا اللقاء اسبوع واحد فقط .

البدايه مع شاعرنا الجميل ..؟؟...>>سعد النفج

^^^^^
1- سعد النفج من انت ؟
2- كم عمرك ياسعد ؟
3- تقول في قصيدتك (زهرة النرجس)

و انـســى اغـتـرابـي بــيــن لــنــدن و بـرلـيــن

و انـســى الـزمــان الـلــي يـشـيـن و يـزيـنــي

4-هل الغربة بوجهة نظر سعد هي غربة الوطن فقط اي غربة المكان؟؟؟

\\...

واترك لكم المجال اخواني

**مشهور الرشدان** · 02/12/10, (11:23 PM)

ارحب اخوي سعد صراحه انا معجب في شعرك وفي مفرداتك الجميله

اليكـ اسئلتي المتواضعه

1

عطني بيوت(ن) بالظبي لا طرالي

يفز قلبي واونس الضيق بحشاي

لو كنت انا ماخاف لوم الرجالي

لبسط على رمض الثراء كف يمناي

2

ياذيب عطني حقنه(ن) للهواوي

بيت دفين (ن) في معاني فريده

وش ينفع اللي ساهراً بالمناوي

دامن سلمه جمده بالجليده

والله لو ينفع بحبي رشاوي

لا اسرق من اوباما وخلص رصيده

3
كم جتك من ارياح ياضلع عرنان

ماطيحت عزمك وباقي محلك

من يوم ماجريت صوتي الى الان

وهمي مثل من جاك يبغاء يتلك

**سعد النفج** · 03/12/10, (02:19 AM)

ارحب اخوي سعد صراحه انا معجب في شعرك وفي مفرداتك الجميله

شهاده اعتز بها اخوي مشهور و شكرا لك على هذا النقاء ..

1

عطني بيوت(ن) بالظبي لا طرالي

يفز قلبي واونس الضيق بحشاي

لو كنت انا ماخاف لوم الرجالي

لبسط على رمض الثراء كف يمناي

هاك البيوت النادرات الجـزالي
.......................... دامك طلبت الراي و استقبل الراي
العشق ضاعو به قروم العيالي
.......................... ابســط يمينك كــان يعـجـبك مــبداي

2

ياذيب عطني حقنه(ن) للهواوي

بيت دفين (ن) في معاني فريده

وش ينفع اللي ساهراً بالمناوي

دامن سلمه جمده بالجليده

والله لو ينفع بحبي رشاوي

لا اسرق من اوباما وخلص رصيده

يالقرم ما للجرح هذا مداوي
........................ دام الهواوي قـام ينزف وريده
واذا لقيت الفاهم اللي يداوي
....................... اللي عــلاج اهل المحــبه يجـيده
وكّد عناوينه وخذني مخاوي
................. و نسلم من ظروف الليال العنيده

3
كم جتك من ارياح ياضلع عرنان

ماطيحت عزمك وباقي محلك

من يوم ماجريت صوتي الى الان

وهمي مثل من جاك يبغاء يتلك

إثبت مثل عرنان لو كان ماكان
.................. خلك قوي عزوم مهما حصلك
يا بوهويدي للصبر قيمه و شان
................. و على الطريق الزين لازم يدلك

ودمت بخير يالغالي

**بروق الشمال** · 02/12/10, (11:57 PM)

بكل تاكيد حوار سيكون شيق
مع اخي سعد النفج
وبجد تعجبني كلماته

ام تفكر وش تسئل وبيت
الله يصلحك ياحساس

يابو نفج وش حال الاشواق قلي
لامن غدت روحي بالحلام تتليه
لاهو بسط كفه ولا وصل حلي
ولاهو ترك دربي ولا عاد برجيه

نقول

من هو خذا عقل ابن الاجواد كله
ومنهو روى في روحه الشوق واضماه

اعترف
كم يوم هلت دمعتك وانت ساهي
من يوم مابعض الملا حل طاريه

نبعد عن الغلا وجوه

هات في كرتك مواعيد الزياره
واعترف من قبل تحديد المصير
كم من الترفات ماخذتن صداره
وكم من الترفات تختال وتسير
مانبي اسمن ولا نبغي اشاره
بس تذكر بالعدد لهن وتشير

شكل سعد بيحذفني من اقرب شباك
حظ اوفر لي عوده

**سعد النفج** · 03/12/10, (03:13 AM)

بكل تاكيد حوار سيكون شيق
مع اخي سعد النفج
وبجد تعجبني كلماته

شكرا لك اختي بروق الشمال .. تشرفت بكلماتك الراقيه و انتي بلاشك شاعره مميزه ..

يابو نفج وش حال الاشواق قلي
لامن غدت روحي بالحلام تتليه
لاهو بسط كفه ولا وصل حلي
ولاهو ترك دربي ولا عاد برجيه

يا بروق من ياخذ هواك بتسلّي
................. يفرق عن اللي قابض الشوق بيديه
حــذاري دمــوعك لعــينه تهلّي
................. يا بـروق طيـعـيني من الـيــوم خليه

نقول

من هو خذا عقل ابن الاجواد كله
ومنهو روى في روحه الشوق واضماه

عـقـله خــذاه اللي تـزيّن بحــله
............... صغير و مدلع عسى الرب يرعاه

اعترف
كم يوم هلت دمعتك وانت ساهي
من يوم مابعض الملا حل طاريه

اكذب عليك ان قلت ناسي و لاهي
.............. دمــوع عيني كل لحــظه تــناديه

نبعد عن الغلا وجوه

هات في كرتك مواعيد الزياره
واعترف من قبل تحديد المصير
كم من الترفات ماخذتن صداره
وكم من الترفات تختال وتسير
مانبي اسمن ولا نبغي اشاره
بس تذكر بالعدد لهن وتشير

ابشري لو ان بالقصه إثاره
............. و الجواب بكل حالاته عسير
ما خذا قلبي و لافاز بجداره
............ غيرها و لا يخــاشرها خشير

شكل سعد بيحذفني من اقرب شباك
حظ اوفر لي عوده

لا و لو ليه أحذفك ؟
شكرا لك بحجم الكون و بانتظار عودتك ..

**احساس قلم** · 08/12/10, (08:23 PM)

سعد النفج
استلم لاهنت
1- امامك صورة عبر عنها ببيتين شعر

2-في نهاية هذاالقاء ماذا تقول ياسعد؟

تحياتي لك والف شكر على قبولك وتواجدك في هذاالموضوع
الف شكرا لكل من مر من هنااا
وانتظروني ان شاء الله مع ضيف اخر
دمتو بود احبتي

**سعد النفج** · 10/12/10, (01:00 AM)

سعد النفج

استلم لاهنت
1- امامك صورة عبر عنها ببيتين شعر

الله لا يهينك يا إحساس قلم ..
تفضلي البيتين ..

السيف ما هو مثل ما شفت بالصوره
................................ السيف و الله ليا سلهم برمشينه
ما احدّ من سيفه الا سيف اخو نوره
............................... اللي جمع شعبه و شتت معادينه

2-في نهاية هذاالقاء ماذا تقول ياسعد؟

شكرا لو ان الشكر ما يكفي احساس ..
.............. و يالله عســـاني بالمواجه توفقت ..

تحياتي لك والف شكر على قبولك وتواجدك في هذاالموضوع

العفو يا إحساس قلم ..
تشرفت بتواجدي في هذه الزاوية الراقية و الجميله ..
أتمنى أن يكون الجميع قد استمتع و أن ترتقي ابياتي لذوائقهم ..
و اعتذر عن التقصير ..
شكرا لكل من مر هنا ..
.
.
دمتم بخير ..