صدى صوت خلف بن فهد الراشد - °~*¤®§(§ شبـــكة ويــلان العـربـيـه §)§®¤*~ˆ°

**أبو غرام** · 04/02/11, (01:02 PM)

اتحفني وتشرفت بنص من الشاعر

خلف بن فهد الراشد .. فصح بوحه

وهو رجل وشاعر اتشرف بمعرفته .. ولعل هذا النص
بداية معرفة الطيبين شرواه
ولاشك أنه ومن هم على شاكلته سند وحزام ومعرفتهم مكسب
كان نصه .. التالي :

لا مايضيع الي تعب فيه انسان

وكبت المشاعر كان سب نفجاره

يطلع كما يطلع من القاع بركان

ويظهر على العيان بحزم وجسارة

يدحر ظعيف القول لو كان ماكان

دامه عميقآ سابراتآ غواره

لاخوف ياعزوة هل الذود ذيبان

حامي حماه وفزعت الي بجواره

حيت فالك ياجائز مليحان

يالي رفا بالطيب فجوة نهاره

يامسندي لمن سعى دود البدان

بجسادهم انا على راس غاره

وانتا عضيدي بلقا فعل الاخوان

يانخوتي ياريف من كان جاره

يامطمعي من دونهم اعز بك شان

لنك قريب الجد وراعي اماره

يامحمدي ياموايقي يا باينآ بان

يالي تجلا للملا وشب ناره

وركا عليها صفر تبرق كما الدان

ونادى بنجرآ فزع اهل الغفاره

وضكو عليه الانس يتليهم الجان

ابمجلسآ للعز طالت شباره

مع لابتآ لمن تنادو بويلان

جابو على ظهور المعادي وثاره

سموهم الرديف من يوم الكوان

حربآ ضروس بها المراجل تباره

فرسان غارو ولتقو مع فرسان

ومصادم الفريس مابه خساره

فصح بوحه ما حيي

وهذا الصدى .. علّه يرتقي للذائقه :

يامرحبا والقاف بصمه وبرهان=من شاعرٍ بالطيب حافظ مساره
شخصٍ تجلّى حايفٍ كل الاوزان=مالك ملاك البوح اسمه شعاره
يالراشد الصنديد ياحي بلهان=ياللي على الغبات كتفه دماره
يابو فهد ياسعد من جاك شقيان=ياعز من جِلّي عن ارضه وداره
خلف خليف المجد للمجد عنوان=سلايل اللي بالملاقى مناره
يقلط على وضح النقا شوف الاعيان=يخلف صفوف الغير باس وسطاره
عاداتكم يالذيب ماهي بالاحيان=ترجس على كبد المعادي شراره
تحرق فؤاده من بعد حرق قيفان=من وين ماوجّه تَهدّم عماره
يالوايلي صاحبك ماهو ببلشان=ينشف لهاة الضد وييبس خضاره
ماهو على ماقيل ضايق وزملان=الوضع هادي دون عين وحماره
واللي لفى متوسد الغدر نيشان=دارت دواير لفته في مداره
من يحفر الحفره على مر الازمان=ياقع بها والنفس تتبع لكاره
واللي جهل في جوهريات الاديان=برد وسلامٍ ياعشيري بمغاره
هذا واذا قالوا ترى المعترك حان=مثلك حِزامٍ نايفٍ في سماره

وسلامتكم

**محمد بن موسى** · 04/02/11, (01:07 PM)

الشاعر الراقي / جائز المليحان

صوت وصدى رائع من شعراء رائعين

صح السانك يابو احمد مدد بلا عدد

ومهما قلت يالعشير فشهادتي فيك مجروحه

فأنت جمعت الشعر والمرجله في قالب واحد

ادام الله الود والمحبه بين الجميع

**أبو غرام** · 06/02/11, (03:26 AM)

اقتباس:

المشاركة الأصلية كتبت بواسطة محمد بن موسى

الشاعر الراقي / جائز المليحان

صوت وصدى رائع من شعراء رائعين

صح السانك يابو احمد مدد بلا عدد

ومهما قلت يالعشير فشهادتي فيك مجروحه

فأنت جمعت الشعر والمرجله في قالب واحد

ادام الله الود والمحبه بين الجميع

ابو فهد

انا من يتشرف شاعرنا بتواجدك وتنويرك متصفحي المتواضع

لله درّك وصح كلك .. والمرجله والطيب والشعر .. مع الطيبين تبين

يقال ياخوك كلٍ يشوف بالغير مافيه ويتكلم بما يعكسه

ومايشوش للطيب الا الطيب
فألف شكر لك

اخوك ابو احمد

**عبدالمحسن الجلوي** · 06/02/11, (03:31 AM)

الشاعر ابو احمد صح لسانك واعتلا شانك ابيات جميلة من شاعر جميل .... تقبل تحياتي لجنابك العزيز ...

**بنت الكحيلا** · 04/02/11, (06:50 PM)

صح لسانك اخوي جائز المليحان

صوت وصدى في غاية الروعه

الله يعطيكم العافية جميعاً على هذا الإبداع

لكم كل الشكر والتقدير

**أبو غرام** · 06/02/11, (03:28 AM)

اقتباس:

المشاركة الأصلية كتبت بواسطة بنت الكحيلا

صح لسانك اخوي جائز المليحان

صوت وصدى في غاية الروعه

الله يعطيكم العافية جميعاً على هذا الإبداع

لكم كل الشكر والتقدير

صح كلك أختاه

ويعافيك ربي ولكي من اخي كل الود والتقدير

فلقد تشرفت بحضورك وتنويرك متصفحي

اخوك ابو احمد

**ابو غريب العبدلي** · 04/02/11, (08:59 PM)

الله الله صح لسانك ياخوي قصيدة رائعه ويستاهل الراشد وتستاهلون الطيب اشهد انكم اهل الطيب كله لله دركم

اخوك النجادي