بسم الله الرحمن الرحيم
السلام عليكم ورحمة الله وبركاته
أول مشاركه لي في منتدانا الويلان
وانشالله انتجمّل قدر المستطاع
لي مشاركات شعريه في منتديات مشهوره
واسمحولي تقديم قصيدتين كـ بدايه
ومصافحه
القصيده بعنوان
ثورة حنين
اللي سمعناها ولاشفناها
ارقدوا ثم امنوا يال السعود=كلّنا معكم ولو نصلى سعير
العمر غالي ولازم به نجود=من كثر عمري؟تراهو مو كثير
ارقدوا والعود في عين الحسود=شعبكم ماله شبيه ولاخشير
القبايل كلّها معْكم جنود=من بني وايل وشمّر والظفير
والحروب ويام في كل الحدود=وياعتيبه وقتكم فزْعوا مطير
ويقْحطان اصل العرب ترقى سنود=ويالدواسر كـ الكواسر ماتحير
من نسيته ماعلينا منْه زود=كلّنا واحد بهـاليوم الكـبـيـر
دقّت الساعه وخلق الله شهود=بالنوايا...مذهب السيّد خطير
ودّهم تغيير قرآنك بنود=لاحديث ولاقصاصن بالشطير
لا حييتوا يامزامير اليهود=ماتبونه لازم انه مايصير
لو تسود السّود تاكلها أسود=إحْذ َروا إنّي لكُمْ كنتُ نَذير
لاتوصّل يابشر صلخ الجلود=بالديار اللي بها الكلْ يستجير
دار ابو متْعب وحلاّل العقود=خادم البيتين وعيون الفقير
مانكر طيب الملك غير الجحود=ومــا يــوقّد نــارها غـيـر الحقير
ياملكنا ياعسى عمرك يزود=يابعدنا و القبايل للعسير
لو تبي نمسح وجوده بالوجود=بس نبي في يدّك اليمنى تشير
الشرود اللي تشيطن بالصمود=قبل موته راسه المملي يطير
من ملاه بحقد لاعود ن وفود=يشعر إنه في ديار الغير غير
ياسعد ياشيخ يالوَهْم السرود=فقهك بعلْم الفتن ماجاب خير
دين مامن دين ولْزُمره تقود=مابها عاقل على عقله يسير
كلّنا من حد اخو نوره نذود=والقطا يلقاله أحرار ن تغير
كلنا معكم يبو متعب جنود=من بني وايل وشمر والظفير
والحروب ويام في كل الحدود=وياعتيبه وقتكم نادوا مطير
23/03/11, (04:32 PM)
وايليه أولى.............لبيب الوايلي
العرض المتطور
