الشيمة العنقريه....... - °~*¤®§(§ شبـــكة ويــلان العـربـيـه §)§®¤*~ˆ°

**احمد العريفي** · 18/04/11, (07:43 PM)

نظرا للضغط الناتج من اللوم بسبب قصيده سابقه انفجرت القريحه بهذه القصيده.
آمل ان تنال استحسانكم:

يا لايمي طـالبك لا تكـثـر اللـــــوم
خل الجروح اللـي بقلبـي خـفـيـــه

تلومني كنك عـن العـدل مـفـطــوم
والحق واضح مثل شمسٍ جـلـيـــه

ليتك وقفت بموقفي لو ربـع يــــوم
تشوف كيف الدار تصـبـح وذيــــه

ماني على شرح التفاصيل ملــزوم
لصرت ماتعرف اساس القـضـيـــه

كتمت انا عنكم سواليـف وعــلــوم
تزعل غريـبٍ مـا بقلبـه حـمــيــــه

كتمتها بالقلب وادعت بـه اثلـــــوم
اخفي خطاهـم لا تجيهـم رديــــــــه

ارسلتها شمسٍ وعادت لي اغـيـوم
ادرا عليه وهـو يـزرى عـلـِـيــــــه

والله لولا الله والرحـم لاشـــــــــوم
لاشـوم عنهـم شيمـةٍ عـنـقــــريـــه

دارٍ رمتني في ضحى العـيد بسهـوم
اذمهـا لوهـي بقلبـي حــظــيـــــــــه

من ربح بالاسواق يمدح على الدوم
ومن خسر يلعنها صباح وعـشـيـــه

ارقد ملأ عينك اذا جـالك الـنـــــــوم
مادام مالك بالسهر مـقــــــــــــدريه

احمد بن عبدالرحمن العريفي
(نديم المجره)

**مشهور الرشدان** · 18/04/11, (08:14 PM)

نديم المجره
صح لسانك وعتلا شانك قصيده رائعه

**محمد بن موسى** · 18/04/11, (09:02 PM)

احمد العريفي

صح الساانك مدد بلا عدد

قصيدة رائعه بروعة كاتبها

لاخلا ولا عدم

تقبل فائق الود والتقدير

كن بخيرر

**اسيرة الزمن** · 18/04/11, (09:35 PM)

صح لسانك

يعطيك العافية

**هندي المقبل** · 19/04/11, (09:04 AM)

نديم المجره

صح لسانك ابيات اتت من القلب بصدقها وشاعريتها حتى لو لم نكن على علم تام بموضوعها الا اننا استمتعنا بها

دائما مبدع ونتمنى ان يستمر الابداع

**البدر** · 19/04/11, (08:21 PM)

الشاعر احمد العريفي

صح لسانك على هذه الابيات الجزله كالعاده

اسجل اعجابي

**بدرفهد الجعفري** · 20/04/11, (11:17 AM)

هذا الضفط ولد المزيد من الابداع من شاعر الابداع الشاعر احمد العريفي

صح لسانك يا احمد وتقبل اعجابي الدائم في ماتكتب