قلت :انا والليل مدري..//.. انتـي عمـرك تسهرينـه؟؟
قالت اسهر طول ليلي..//.. لا هو جوع ولا هو خـوف!!
قلـت: طيـب والقصايـد ..//.. الشعـر ماتنظمينـه؟؟
قالت :اكتب طـول ليلـي..//.. واتلاعـب بالحـروف!
قلت باللحظه هذيـك ..//.. احيـان دمعـك تذرفينـه؟؟
قالت :إلا يروح دمعـي..//.. بيـن منديـل وكفـوف!!
قلت : مالك من علاج ..//.. وقالت الا الطـب وينـه؟؟
ماقدر يلقـى علاجـي..//.. وقـادر ينسـخ خـروف!!
قلت: "عنتر" ماجهلتـي..//.. و"قيـس" اظنـك تعرفينـه
وش ذبحهم في زمنهم؟ ..//.. قالـت الحـب العسـوف!!
قلـت :هـذا انتـي عرفتـي..//.. الهـوا ماتجهليـنـه
كم يبهذل في رجـال..//.. وكـم يغربـل فـي هنـوف
قالت: وربي صدقـت ..//.. وكنـت احـس ومستهينـه
لين ماربـي بلانـي..//.. بحـب مـا مثلـه وصـوف
/
\
وصكت الهاتف وباقـي..//.. صوتهـا باذنـي رنينـه
واهني من هو عشقهـا..//.. اشهـد ان حظـه يحـوف
احب قصائد مصلح النشمي
اعجاب متكئ على عدة عوامل
اولها.. عدم التكلف في بنا قصيدته
وثانيها:الروح الصادقه التي تكمن خلف مفرداتها
وثالثها:تسلسل فكرتها دون فجوات او انتقال مفاجئ في سياق الفكرة
رابعها: اشعر انها تمثل شاعرها بكل صدق وآمانه
لهذا الاسباب احب قصائد هذا الشاعر00 مع ايماني ان للشعر روحٍ تكمن خلف مفرداته لايصل اليها الاّ صاحب موهبة حقيقة. ودون ان يضع هذا في ذهنه لحظة كتابته للنص. هناك اتصال مباشر بين الشاعر وتلك الموهبه لايفرضه الشاعر على نفسه ولايتعمده انما يفرضه موقف القصيدة وصدق الموهبه.......
قد تعجب بكثير من القصائد بدرجات متفاوته وقد تعجب ببيت من قصيدة لكن ان تجد القصيدة التي تمثلك بكل مافيك وكأنك انت كاتبها فهذا ما اعني.....وفي النهاية نؤمن ان لكل انسان ذائقته التي تعكس وجهة نظره وتمثل رايه.
مصلح النشمي احد الاسماء المتميّزة فعلا.....
صح لسانك مصلح
كن متواجدا فتواجدك يسعدنا ونتابعه بكل فخر.
احترامي وتقديري
30/08/05, (08:54 AM)
((اقوى من طعن الخناجر!!واقوى من ضرب السيوف))!!
العرض المتطور
