جديدي شعر الحداثه

[طيف القصيد]

وش فيك يالي تذمي الشعرواصوله=يابنت الاجواد ويش الي تريدينه
عبتي على الشعر لاجيت ابا اقوله=وتقولي وش هالحكي هاللي ترزينه
شعرك مغبروكله منطق رجوله=ونتي بنيه حرام الي تسوينه
خلي كلامك رومنسي تكسبي جوله=حنا ترى مافهمنا اللي تقولينه
ون كان تبغين لك جمهور وبطوله=خلي البدواه وهذا الشعر تنسينه
ناظرتها بنص عين وقلت مهبوله=منهو طلب رايك الي لي تبدينه
تبغيني اقول شفت الليل مع زوله=والليل له زول حتى انك تشوفينه
ولا المطراتغنى لحظه هطوله=واشكي على الغيم فعل الحب وسنينه
ولاتبين امدح مهند ومن حوله=واكتب بيحيى قصيدي كود ترضينه
شعر الحداثه تركته عرضه وطوله=وكتبت قافي ونا ابخص في محبينه
ناس لهم بالمراجل جوله وصوله=تكرم لحاهم عن الغث وعناوينه
ويلان تاج الشرف والحرب دحو له=والشعر في حضرة الويلان مغنينه
صغيرهم لانطق بالشعر صفو له=يفخر به الشعر ويعدل موازينه
هذا كلامي ولاهي ابيات منقوله=ردي وصل لك وقولي اللي تقولينه

وسلامتكم

ام فيصل الضويه

[هندي المقبل]

ابيات جميله بفكر واعي وناضج

ام فيصل صح لسانك على هذه القصيده

بدايه جميله وننتظر منك الاجمل

تقبلي اعجابي بما كتبتي

[طيف القصيد]

كل الشكر اخوي هندي

مروركريم تشرفت به

واعدكم با هو اجمل بمشئة الله

تقديري

[صالح الأسود الجعفري]

ام فيصل
صح السانك نص اكثرمن رائع
دمتي بخير

[طيف القصيد]

كل الشكر اخوي صالح

على هذا المرور العطر

صح احساسك ودام عزك

اغلى التحايا

[مشهور الرشدان]

الشاعره القديره / ام فيصل

صح لسانك وعتلا شانك نص جزل ولاغرابه
فخلف هذا النص الشاعره المتميزه ام فيصل
بنتظار ماهو جديد حفظك الله من كل سؤ

[طيف القصيد]

المشاركة الأصلية كتبت بواسطة مشهور الرشدان

الشاعره القديره / ام فيصل

صح لسانك وعتلا شانك نص جزل ولاغرابه
فخلف هذا النص الشاعره المتميزه ام فيصل
بنتظار ماهو جديد حفظك الله من كل سؤ

الشاعر والاخ العزيز مشهور الرشدان

كل الشكرلهذا التواجد الجميل

وصح قلبك ياشاعرنا شاعر الجزاله والمفرده العطره

ادامك الله ورعاك