قصيده من غير مدخال - °~*¤®§(§ شبـــكة ويــلان العـربـيـه §)§®¤*~ˆ°

**طيف القصيد** · 27/11/11, (06:12 AM)

يمه غديت لنبض الاحساس موال=وبنيت شعري من قساوة سنيني
تاهت بي الانثى على قلب رجال=سكنته بدمي وروحي وعيني
رضيت في حالي بما يرضي الحال=بس الزمن يلوي بضيمه يميني
لامد لي من سعدالايام فنجال=يطيح ماذقته ولاشفت زيني
تزيد حسراتي على ذيك الاطلال=يوم البراءه تسكن بمقلتيني
طفله صغيره همها لعبة اطفال=ومن شان خاطرها يهون الثميني
ماعاشت الحرمان في كل الاشكال=ولاجربت جرح الزمان المكيني
والحين يومن الجسدصار تمثال=ودروب همي للعذاب تحديني
جيتك وكل الهم في خاطري جال=ابي دفاك اليا حضن راحتيني
قلبك رحيم ومن غثى الوقت مدهال=وحروفك الي بالامل تحتويني
مابين جرح وجرح عانقت الامال=ون كان فات اليوم غيره يبيني
انا لها لوكانت حمولي ثقال=بشتالها والله لقلبي معيني
لا لا تغرك دمعة من ورى الشال=لابد بفرح واليالي تزيني
والخير يايمه ترى الخير بقبال=مافات مات ومابقى لي يجيني
جت القصيده هيك من غير مدخال=بيحت فيها مابقى من حنيني
ون مت ضامي ماسقى جوفه الال= يكفي رضاالله ثم رضى والديني

**فــرج الدهمشي** · 27/11/11, (07:05 AM)

الشاعره ام فيصل

صح لسانك وفكرك مشاعر صادقه بحروف ومعاني اصيله ,

حضور للاحتفاء .. تحيتي

**سراب نجد** · 27/11/11, (11:28 AM)

ام فيصل

صح السانك ويسلم بنانك

دائماً مبدعه والأبداع من طبيعة المتمكن

وأنتي شاعره متمكنه بمعنى الكلمه

ما شاء الله عليك

شعرك قمة الروعه مهما كان بحره تجيدين المفردات الجزله

لك مني جزيل الشكر والتقدير

**طيف القصيد** · 30/11/11, (11:07 PM)

اقتباس:

المشاركة الأصلية كتبت بواسطة سراب نجد

ام فيصل

صح السانك ويسلم بنانك

دائماً مبدعه والأبداع من طبيعة المتمكن

وأنتي شاعره متمكنه بمعنى الكلمه

ما شاء الله عليك

شعرك قمة الروعه مهما كان بحره تجيدين المفردات الجزله

لك مني جزيل الشكر والتقدير

سراااب نجد

شرفني مرورك

واطرائك شهادة اعتز بها

الله يعطيك الف عافية

تقبل تقديري و بارك الله فيك