يقولون سر الشخص لامن ظهر يؤذيه

[معيض بن عريفج]

يقولون سر الشخص لامن ظهر يؤذيه = وانا السر عندي ساجنه وسط زنزانه
ولويفتح اذنه ناقل الهرج مايوحيه = لوانه يجيني كل ساعه على شانه
ردي العزايم بالكرب لارحم واليه = لايدري بزلاتك لو انك حدى اخوانه
لاتاخذك فيه انك ابن عم وابن اخيه = ترى مال نقال الحكي غير حقرانه
ترى الصدر صندوق(ن)مقفل على مافيه = ولاينكب احيان ال ابن ادم سوى لسانه
اللي يجيب الهرج لناس ويوديه = مشغول بين فلان وفلان وفلانه
ماينظر سما دايم عيونه على رجليه = كبه ويلقا من طيوره وصدقانه
ويرتاح معه ولايجيني وانا ماجيه = ولابي تليفونه ولاريد عنوانه
عسى واحد(ن)مايجمل ولا الله مهاديه = يقشه القشاش قدام بزرانه
ولوان صدري جرح سيف الغدر مدميه = مايدري به الا رب الارباب سبحانه
اسجد لرب(ن)يمرض العبد ويشافيه = كريماً عن المحتاج ماصك بيبانه
وارفع يديه واطلبه والتجي ايليه = واتوسله عطفه ولطفه وغفرانه
وابي الوذ في بوحي الى الشعر واحاكيه = لاعله يبدد ضيقة الصدر واحزانه
واسولف مع القمراء على اليل واناجيه = بكل اريحيه يطلق الشاعر حصانه
على النار والدله وتمر الحسا ناقيه = بروض الحياء والارض خضرا ورويانه
ماغير ام سالم صوتها بالسماء تلاحيه = تهوبل على يادان وا دان لادانه
حرام انها اطلق من رفيق(ن)قصار يديه = الياجتك تستعرض تقل فيه فرحانه
يالبيه فيها ثم مليون يالبيه = ولوانها طيراً يرفرف بجنحانه
افضفض عن الصدر الذي هاجسه مشقيه = بطاروق يعجبني ومرتاح للحانه
الياصاغه الشاعر ومن بعده يغنيه = متخير اللي يلامس(ن)كل وجدانه

[حمد الضوّي]

الشاعر القدير

معيض بن عريفج


لا أجد ما أقوله حول هذا النص الشامخ
فهو فوق الإطراء والإشاده

جملتان فقط

صح لسانك مليارات....أُعجبت بماقرأت



ولك اجمل وأرق التحايا

[سليمان الجعفري]

يقولون سر الشخص لامن ظهر يؤذيـه
،،،،،،،،،،،،،،، وانا السر عندي ساجنه وسط زنزانـه
ولويفتح اذنه ناقـل الهـرج مايوحيـه
،،،،،،،،،،،،،،، لوانه يجيني كل ساعـه علـى شانـه
ردي العزايم بالكـرب لارحـم واليـه
،،،،،،،،،،،،،،، لايدري بزلاتك لو انك حـدى اخوانـه
لاتاخذك فيه انك ابن عم وابـن اخيـه
،،،،،،،،،،،،،،، ترى مال نقال الحكـي غيـر حقرانـه

الشاعر القدير/معيض بن عريفج

لا أجد ما أقوله حول هذا النص الشامخ إلا ان اقول صح لسانك ملايين
كل بيت اجمل من الثاني .. أُعجبت بماقرأت. الله يعطيك الف عافيه
لك مني اجمل التحايا والاحترام

[محمد المالكي]

الشاعر / معيض بن عريفج

صح لسانك على هذه ِ الدرر الثمينه , ولو ودّدت ُ آقتباس ما رآق لي , لاقتبست القصيده بأكملها ...

تحياتي المعطّره ..

[صالح الأسود الجعفري]

معيض بن عريفج

صح السانك نص مميز
دمت بخير

[طيف القصيد]

الاخ الشاعر القدير

معيض ابن عريفج

قصيده معبره وواقعيه وقمة في الصدق والشموخ
راااااقت لي جدا وكانها تحاكي واقع مربه الكثير منا
صح لسانك مليااارات وسلم بنانك المبدع
كل الشكر واغلى التحايا

[غريبة الدار]

اخوي صح لسانك على هذا النص الرائع كاروعة صاحبه المعروف معيض ابن عريفج
أُهنئك بهذا الابداع الغير محدود