سيرة شاعرة من اعلام الشعر الشعبي

[فهد الخدلي الفدعاني]

بخيتة بنت عايض ال عذبة المري المعروفه بأسم بخوت

موطنها :

عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة

حياتها الاجتماعية

كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري،
تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر

شاعريتها:

كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة
والشاعرة هي عمة ( الشاعره العملاقه .. الراسيه )

وفي غزلية رائعة :







ليته يناديني وانا بس اناديه
واجاوبه ياحسين ولو كان مره

عليه قلبي يابسات عراويه
اقفا ابقلبي من ضلوعي يجره

ذالي ليال قاعده في حراويه
ليننها زادت على المضره

قمت اتوجد وجد من مات غاليه
قبوه اقباله كل يوم يمره

أو وجد من خاوه والليل ممسيه
ينخا ولا حد من هل الهجن مره

خلي طريح والضواري اتحاضيه
بالمقطعه وامقابله ضلع حره

على الذي ماشفت حي ايحاليه
شيخ على القوم المعادين شره





وفي اجمل قصايدها قالت :




جيت المنازل خاليه ما بها اوناس
من عام الأول ارضها ما وطي به

ولقيت مرح أهل المروات دراس
علمه بهم يا بو مطر علمي ابه

مريتها يوم المعاليق يباس
ونزلتها يوم الضماير عشيبه

وونس بصدري واهج الحر حماس
احسب من فارق هله لي يجي به

واقفيت كن ابسرت القلب مراس
واقنب كما يقنب من الجوع ذيبه

واعول كما تعول على البو عرماس
ومن لامني جعل حواله عطيبه

باللي يفكون الطلب عقب الادماس
ربعي مصخرت العدو بالغصيبه

اليا منهم ركبوا على سرج الافراس
وتحيزموا من فوق قب عريبه

اليا اعتزوا ببعير عالي الساس
خلوا على جمع المعادي حطيبه

ذكر الموده للعرب ما بها باس
لكنها على المولع مصيبه

حب الرفاقه شيب القلب والراس
وباق الموده له بديل قريبه

باقي العرب تلقا بديله مع الناس
واخوك لو درت البدل ما لقيبه












مل قلب(ن) فر وأفتر مثل المروحه
فرها فرت جديد قوي(ن)سيرها
ان ضحك لي صاحبي سر قلبي وافرحه
وان تغلى صاحبي زاد عيني شرها
صاحبي ناوي يذبحني وانا مقوى اذبحه
شب في كبدي سنا نار زوّد حرها






وقالت رد على من علق على جراءتها الشعريه




العب المنكوس وارفع بصوتي ماعلي*** من هل المنقود واهل العلوم الهينـه





يقال انه كانت لها قصة عشق بين أحد ابناء عمومتها ويدعى " محمد "
وكانت لا تخجل من هذا العشق الطاهر بل كانت تجهر به وكانت تذكر محمد
في اغلب ابياتها وهذه احد ابياتها فيه
...




ياهل البيت المطرف تراني يوم جيت عندكم*** لي حاجة(ن) واستحي ماقولها

ايضاً في محمد ...




المحبه لا سطت ما يعالجها الطبيب
روحتك ياصاحبي ليت ربي لدها
عادة الدنيا تفرق حبيب(ن)عن حبيب
وقطعش يارفقة(ن) والمفارق ضدها





أما في وصف السيارات فقد برعت الشاعره فيه







تل قلبي تل فرت(ن)على سبر العجل
عشقه راعيه والحوض تحته قد ملاه
ان تسنّد عشّقه ثم لده بالدبل
وان تحرر ريّحه لين ياصل منتهاه







قالت ايضاً في ابن عمها " على " وكان بمثابة الأخ لها والأقرب إليها





ياعلـي ياخـوي ويـن بدوانـي غــدو***لا خبـر ولا مديـد ولا قلـبـي بنـيـس
راحوا العربان في شـف قطعـان البـدو***في هوى الخلفات ماراوزوا يوم الخميـس
نحف حالي ياعلي نحـف مـدراة السـدو***وزوع قلي زوع حر (ن) إلى شاف القنيص



ولها ايضاً في الحكمه ...




تل قلبي تل طير(ن) على الجول مهدود***يطرد المقفي وطـرد المقافـي كايـده
مهبلك ياللي تبي الوقت الأول لك يعود***من يرده كون محيي العظـام البايـده


نوادر من قصائدها




جعل وبل الغيث يسقي ديار المفرعين***منزل اللي كن حديثة حليـب معدّيـة
ضيقيتي في خاصري دايم ماهوب زين***قومي اللي سم حالـي وبيـح سدّيـة
ان سجنته قام يتبـع دروب الدالهيـن***وان نشدته قـال انـا علتـي متعدّيـة
ان بغى خلي جنابي فلا غيره ضنيـن***وان بغى يقفي فيقفي مـراح مودّيـة



ومن نوادرها ايضا هذة القصيدة اللي تشبه فية الحرية واستعادتها مثل طير شاهين ربيطة السبق





زوع قلبي زوع طير قطع قد هو حكير***من شياهين البحر واستخل اهجارهـا
كل ما صاح االمصيح تعلوت تستديـر***عقب ما هي حكرة سعدهـا بطيارهـا



وهذي الابيات قالتها بخوت عندما كانت اختها تعالج من مرض السرطان في لندن وكانت الشاعرة في ارض الوطن حيث قالت هذة الابيات تشكر الذي صنع جهاز الهاتف وتتمنى مرافقة اختها ( نوره) التي وافها اجلها المحتوم هناك حيث قالت




عسى من صنع ذا الهاتف ايدية ماتنشل***عسى دارة الوسمي يخـرب بساتينـه
تعـلا الحـرارة وان تكلمتبـه تنـزل***على صوتهم قلبـي تريـح شرايينـه
وجودي على طيـارة صوبهـم تنتـل***علشان مستشفـاه باجـي مصاخينـه



وقالت كذلك في وصف ناقتها الت ي كانت تسميها (ذروة)




كن ذيل ذروة راس بنت على زيان***يازين شوفه في العراقيب يجتالـي
يازين شوف حوارها بارك ريـان***في حرف روض والمضاهير نزالي




وقد تكلمت بخوت في قصائدها عن السيارات وطريقة قيادتها وانواعها ومن هذة الابيات قولها




المرسدس محلاه في طلعت ام حويض***اليا عطي ثالث جاوب السير شكمانـه


ونلاحظ هنا دقة التعبير والوصف في هذا البيت


اما المحاورة نذكر لها هذة المحاورة مع الموت


بخوت المرية:





اشهد شهادة حق ما تستحي يا مـوت***وانا اشهد ان ما فيك ميز(ن)ولا شيمة


الموت:





صلاتش ردية والحكي زور يا بخوت***وكل خذيتية من هله وانتـي مقيمـة

تقول بخوت المريه وهي أشهر من تكلم عن السيارات من النساء :






حن قلبي حن (( ماك )) على سمر العجل***عشق السواق والـدرب ممسـوك(ن) وراه
إن عطا مع طلعة(ن)عشقـوا لـه الدبـل***وإن تسهل ريحـه ليـن ياصـل منتهـاه
ما بشفـي لا دريـول ولا ريـس عمـل***شفي اللي كل ماشـاف بـراق(ن) رعـاه
صبي أهله قطين(ن) على عد(ن) جاله عبل***طيب(ن) للبـل وراعيـه مايقطـع ظمـاه
ونتي ونة خلوج(ن) ولدهـا مابعـد جـدل***تشـرف المرقـاب للـذود وتـعـود وراه




وتقول أيضاً :





ياحن قلبي حن ماك(ن) مع الطلعـات***ليا عشقـه بالعايـدي والدبـل جـره
جرمة ثقيل وحملـوا فوقـه البيبـات***ويدعـس عليـه ببنزينـه ولا سـرّه
انا دمع عينـي بالدقايـق وبالساعـات***ولا هي على فرقـا المحبيـن مستـره
هواجيس قلبي كل ما أقول راحت جات***تعود علي باليوم خمسة عشر مـره .


والماك : هي السيارة الكبيره ..


وقالت في الفراق :






ياجماعة وإن عزمتوا على أنكم راحليـن***غمغمونـي عـن مظاهيركـم لاشوفهـا
كن في قلبي لهب نار ربـع(ن) نازليـن***اشعلوهـا بالخـلا والهـبـوب تلوفـهـا
ول عود(ن)لاش رحمه ولا قلب(ن) يليـن***عسى ذودك في نحر قوم(ن) وانت تشوفها
عيدوا بي في الخـلا والفريـق معيديـن***كل عـذرا نقشـت بالخضـاب كفوفهـا
مايقرب دارهـم كـود صنـع الذاهبيـن***كود حمرا عزمهـا مـن صفـاة بلوفهـا
كن حنين الويل يشبـه لخلفـات القطيـن***لينوا لـه بالقـدم مـع طمـان اجروفهـا


وتقصد بالحمرا : السيارة ..



وقالت تتمنى حياة البر والبادية :



وجودي على بيت الشعر عقب بيت الطين***وجودي على شـوف المغاتيـر منثـره
وجودي على خوة هل الموتـر المقفيـن***وجودي على شوف السهل من ورا الحره
ليا حلوا البدوان وصـاروا علـى بيتيـن***ومن كان لـه خـل مـع ذاك ماغـره


وفاتها

عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي.

الله يرحمها ويسكنها فسيح جناته / منقول

[فاضي عبدالعزيز]

فهد
الله يعطيك العافيه الحقيقه الشاعره بخوت المريه


شاعره من الشاعرات البارزات في عصرها
وسيرتها تستحق الاهتمام والمتابعه

الف شكر يافهد انا والله كنت اتمنى ان اجد بعض قصايدها

ولان وجدها لك كل اشكر



تحياتي

[فهد الخدلي الفدعاني]

هلا بك اخوي فاضي عبدالعزيز ومشكور علي حضورك المميز

واللحمد الله انك وجدها في الموضوع


ودمت

[$$ مـهـاجــر $$]

الله يعطيك العافيه اخوي فهد الخدلي على ابراز سيرة هذه الشاعره الكبيره التي تعتبر من ابرز الاسماء النسائيه في عالم الشعر

واسمح لي ان اضيف لها هذه الابيات :


اسمحوا لي يامحمد على ست كلمات
ذا كلام فاضي واستحي لا أطوله


يامحمد ما الأناث كفو معاملات
قولهن ل هوب يصمل ولا يرد له


راكب اللي في سما الجو تمشي بحركات
صوتها من سرعها من وراها تنفله


روحت وقت الضحى من محل الطايرات
وخطرت راعي الهجن مارحل من منزله


وخطرت ركابة (الدوج ) من دون دموات
ومرت ( الصلب ) الحمر والفريّق باسفله


ذارب سواقــــــــها مايحـــــــــسب للمــــــات
غلقت خمس الدقايق على الطلب وهله

تحياتي لك,,,,,,,,,,

[فهد الخدلي الفدعاني]

المشاركة الأصلية كتبت بواسطة $$ مـهـاجــر $$

الله يعطيك العافيه اخوي فهد الخدلي على ابراز سيرة هذه الشاعره الكبيره التي تعتبر من ابرز الاسماء النسائيه في عالم الشعر

واسمح لي ان اضيف لها هذه الابيات :


اسمحوا لي يامحمد على ست كلمات
ذا كلام فاضي واستحي لا أطوله


يامحمد ما الأناث كفو معاملات
قولهن ل هوب يصمل ولا يرد له


راكب اللي في سما الجو تمشي بحركات
صوتها من سرعها من وراها تنفله


روحت وقت الضحى من محل الطايرات
وخطرت راعي الهجن مارحل من منزله


وخطرت ركابة (الدوج ) من دون دموات
ومرت ( الصلب ) الحمر والفريّق باسفله


ذارب سواقــــــــها مايحـــــــــسب للمــــــات
غلقت خمس الدقايق على الطلب وهله

تحياتي لك,,,,,,,,,,

اخوي مهاجر مشكور علي هالابيات الرائع

وعلي حضورك المميز

[القايد]

الله يعطيك العافيه

اخوي فهد الخدلي على ابراز سيرة هذه الشاعره الكبيره

التي تعتبر من ابرز الاسماء النسائيه في عالم الشعر

دمت بكل خير

[محمد المقبل]

أخوي القدير فهدالخدلي

أشكرك على هذا التميز في إعداد المواضيع القيمة

ولك الشكر على إبراز شخصية الشاعره بخوت المرية

ولك فائق الاحترام