بالبريد المستعجـــــــــــــــــــــــــــــل - °~*¤®§(§ شبـــكة ويــلان العـربـيـه §)§®¤*~ˆ°

**مطلق النومسي** · 14/05/06, (05:39 AM)

الســـلام عليكم

العـــــــــــــــــذر لجميع الاعضاء والزوار ..... على اقحام هذة القصيدة .. ولكن هو البريد المستعجل ....

_____________________________

آخــر رصــاصة .. كنت أهدد بهـا .. الغــول = طاحت .. وأخذها الغول .. وأخرج لسانه
وأصبحت .. لا محزم .. ولا سلاح مصقول = ولا ظهر يستد ... ولامن حصــانة
أجســم خســارة .. وأكسرتني .. على طول = كسـرة قهــر ... ماهيب كســرة جبــانة
صدمـة .. وهــزّتنــي .. وردّدت مذهــول = أثــر النوايا البيــض .. جـــرم وإدانــة ؟
من كـانت الدنيـــا ... فتــيّة .. وعطبــول = وكــل شي ..لــه أصــول .. ومقــام .. ومكــانة
حتى الخطــــا .. لا أخطيـــت .. تخطي على أصــول = وإلا إنوصفــت .. بـ نقص عقــل وديــانة
يامن خطـــاك .. يطول شرحــه .. ولا أطـــول = عــذرِِ يــوقـّـف .. مكــرة الأسطوانة
معقــول !! جتني منـك ؟ منك أنت ؟؟ .. معقـول !! = يا صبــر الأرض .. وهالزمـن .. يا هـوانـه
وأنا أعتبرك .. أكبر اخواني .. ومسؤول = عنــي .. وأقول إني من أصغـر اخوانه
وأغـــض عن زلــّتك .. من حول لا حول = وأقول له .. عـــذر الغلا .. والميـــانة
وأسمح .. وأقول إن الخطا منك مقبــول = إلا ليا وصلت حدود الإهانـة
أنا خلاصــة .. حــرب .. وسيوف .. وخيول = وفعـــل البطل .. لا قال .. أنا أخو فلانـة
ما أرضى .. ولو كان الثمن ..فقــدي لــ ذول = والعذر ..شان القبح .. والقبح .. شــانه
اسمع وأنا بناخيك .. للهرج مدلول = العار .. عــار الصيت .. والصدق أمانة
أنا جبــل على الرفاعــات .. مجبــول = ماني بــ شقـــّــة جــيب .. وإلا خيانة
أنا إبن عم السيف .. لا صار مسلول = مع صيحة الفارس .. وصهلة حصانه
وإن رحت للمجهول .. مانيب مجهول = وأعرف أساليب الدجل .. والكهانة
وأصير بهلولين .. لا شفت بهلول = وأخطر مفاهيم الذكـــاء .. اللعانة
القاع تتزلزل .. ولا طاح أبا الهول = تباشروا بالخير .. يا أهل الكنانة
لذا يا ابن عمــي .. ترى الباب مقفول = والبيت ثابت ما تزعزع كيانه
ماهي كذا .. يا محزمي .. لكن أقول = أقبل شكر مطلق .. وكثر امتنانه
وإعرف نتيجة .. قسمــة الطــول بالطــول = وتكسب .. تجاريب الزمن .. وامتحانه
وأوصيك يا بن العم .. لا جاك مرسول = رحـــّــب .. تري الترحيب .. ما فات أوانــه
والحين أبا وادعك .. والبال مشغــول =و قبل الوداع .. إخذ الشطر .. مع ضمانه
شطــر لابن رشيد .. من بيت منقول = لو كان ماهذا الزمــان بــ زمــانه
قالــه يـوّصي .. عبــده حسين .. ويقــول = ترى الخــوي يا حسيــن .. مثل الأمــانة

**فواز الزناتي** · 14/05/06, (07:23 AM)

الرااااااااااااااااائع

مطلق النومسي

يشرفني الحجز هنا اولاااااااااااااااااااااا

لي عوووده

تحياتي

فواز الزناتي ..................,,

**فواز الزناتي** · 14/05/06, (07:33 AM)

الغالي

مطلق النومسي

اعرف مدى حلمك ومدى صبرك ولكني اثق تماما

بأنك ستنسفهما اذا وصلت حد الاهااااااااااااااااانه

وأسمـح .. وأقـول إن الخطـا منـك مقبـول ................إلا لـيـا وصـلــت حـــدود الإهـانــة

انت جبل وما يهزك ريح

قصيده تحمل الكثير من المعاني البليغه والحكم

يا ليت هالنااااااااس يا مطلق تفهم وتتعض

تحياتي لك يالعضييييييد

فواز الزناتي ...........................,,

**صبار العنزي** · 14/05/06, (10:23 AM)

صح لسانك

ويعطيك العافية
مطلق الانسان ..... والشاعر
أعرفه وادرك ابعاده ونزف أعماقه
ولدي قناعة بانه يربا بنفسه ويسمو عن صغائر الأمور


	صـدمـة .. وهزّتـنـي .. وردّدت مـذهـول أثـر النوايـا البيـض .. جــرم وإدانــة ؟ مـن كانـت الدنيـا ... فتيّـة .. وعطـبـول وكل شي ..لـه أصـول .. ومقـام .. ومكانـة حتى الخطا .. لا أخطيت .. تخطي على أصـول وإلا إنوصفـت .. بـنقـص عقـل وديـانـة يامن خطاك .. يطـول شرحـه .. ولا أطـول عــذرِِ يـوقّـف .. مـكـرة الأسـطـوانـة معقول !! جتني منك ؟ منك أنت ؟؟ .. معقول !!يا صبـر الأرض .. وهالزمـن .. يـا هوانـه وأنا أعتبرك .. أكبـر اخوانـي .. ومسـؤول عنـي .. وأقـول إنـي مـن أصغـر اخوانـه

**فاضي عبدالعزيز** · 14/05/06, (12:56 PM)

الشاعر///مطلق النومسي

صــــــــــــح الســــــــانــــــــــــــك

ولاتكفي بدائع بلا حدود غير مستغرب من مطلق النومسي

حتى الخطا .. لا أخطيت .. تخطي على أصـول
.....................وإلا إنوصفـت .. بـنقـص عقـل وديـانـة

كـــــــــــلام حكمه لايجيده غير الحكما

وأنا أعتبـرك .. أكبـر اخوانـي .. ومسـؤول
.................عنـي .. وأقـول إنـي مـن أصغـر اخوانـه

وأغض عـن زلّتـك .. مـن حـول لا حـول
..................وأقـول لـه .. عـذر الـغـلا .. والميـانـة

وأسمـح .. وأقـول إن الخطـا منـك مقبـول
...................إلا لـيـا وصـلــت حـــدود الإهـانــة

الله عليك صدق انك داهيه

البريد المستعجل يحمل قنبله مدمره

صح السانك اللمره مليون ولاهنت

**سعود المسعودي** · 30/03/08, (10:39 PM)

صح لسانك

ويعطيك العافية

**عبدالله الثابت** · 14/05/06, (12:53 PM)

مطلق النومسي

كبير وتبقى كبير

وتبقى شامخ

مطلق النومسي جبل شامخ لايمكن لااحد ان يقدر يتسلق هذا الجبل

عاصفة من الغضب نام بقلبها الزعل للتتساقط لنا حمم ابداعيه يجسدها الابداع مغلفه

بالتوهج تاخذ من المفرده جزالتها ومن الاحساس صوتا يعانق الشموخ ومن الابداع

اقصاه لتمزج اصالة الماضي وعنفوان الحاضر

قصيده يكتبها مطلق النومسي وهو على جواد التالق ليخطها لنا سيفه ورمحه

وهذا هو سر اختلاف الفارس مطلق النومسي عن غيره من من يصيغون المفرده

ويلامس غيمة ابداعك البارده رياح الغضب الساخنه لتتساقط لنا وابل من الابداع

والجزاله

لله درك ايها البطل

لله درك ايها البطل

احياناَ نتمنى انك تذوق المراره لنتذوق حلاوة الابداع

صـــــــــــــــــــــــــــــــــــــــــــح لســـــــــــــــــــانك

صـــــــــــــــــــــــــــــــــح لســـــــــــــــــــــــانك

صــــــــــــــــــــح لســـــــــــــــــــــــــــــانك