طاغي حلاها

[مشاري بن جلوي]

ماعلى الدنيا حسوف ولا على الدنيا ندامه=لو تغيب اللي لعيني شوفها ليله غنيمه
طفلة ٍ طاغي حلاها تحرج البدر بتمامه=وتعدى من حلاها وصف زينب مع حليمه
يوم تقبل وتمايل عود الوكري حمامه=مايصيد ولايجيب إلا ونين ٍ من صميمه
اصل طعم المسك بشفاها بدايته وختامه=ذاب منها الحرف لقبل عطرت سينه وجيمه
لو تكلم فالمحبه بخرت بحر المنامه=والسماء لو تسكنه شفت القمر من خلف غيمه
والبلا كل البلا لو زعلو زرقا اليمامه=كن رمش العين جيش ٍ مايعرف ابدن هزيمه
لو تصله صوب ديره مابقى ريس فخامه=انتهى عصر الملوك وصارت العالم يتيمه
والشعر لامن تثنت يحجب الشمس بظلامه=تهت فيها ليلها ليل وظليمتها ظليمه
والله اني لو قسيت اذوب منها ببتسامه=ولا نويت ابعد رجعت ودوم والنيه سليمه
فارقه والشاهد الله فارقه بِمية علامه=والجمال اللي بسواها يعتبر دقه قديمه

[عبدالله الحجيلان]

مشاري بن جلوي


هلا وغلا فيك بين اخوانك واخواتك


كما يسعدني بأنني اول من يعانق هذى الشامخه




صح لســــــــانك ملاييين ولايكفون



دمت بهذا التواصل والابداع

[نفاع العنزي]

اصل طعم المسك بشفاهـا بدايتـه وختامـه
ذاب منها الحرف لقبل عطرت سينـه وجيمـه


عبق الحب وشعر الشعور هنا


لك ودي

[محمد الدلماني]

شاعرنا مشاري بن جلوي حياك الله في شبكة ويلان ونتشرف بهذه الاطلاله الجميله


وصح لسانك

[كبرياء انثى]

مشاري دوما تروق لي بقصائد الرائعه

جميل انت كما انت


ومبدع من اول ماقرات لك اول معزوفه في احد المنتديات


كن بخير ايها الشاعر

[تركي صالح]

اصل طعم المسك بشفاهـا بدايتـه وختامـه
------------------------------ذاب منها الحرف لقبل عطرت سينه وجيمـه
*
*
*
والشعر لامن تثنت يحجب الشمـس بظلامـه
-------------------------------تهت فيهـا ليلهـا ليـل وظليمتهـا ظليمـه

دمت وسلمت

وصح لسانك وسلم بنانك

وتقبل فائق التقدير والاحترام

[ماجد الغانم]

المشاركة الأصلية كتبت بواسطة مشاري بن جلوي

ماعلى الدنيا حسوف ولا على الدنيا ندامه=لو تغيب اللي لعيني شوفها ليله غنيمه
طفلة ٍ طاغي حلاها تحرج البدر بتمامه=وتعدى من حلاها وصف زينب مع حليمه
يوم تقبل وتمايل عود الوكري حمامه=مايصيد ولايجيب إلا ونين ٍ من صميمه
اصل طعم المسك بشفاها بدايته وختامه=ذاب منها الحرف لقبل عطرت سينه وجيمه
لو تكلم فالمحبه بخرت بحر المنامه=والسماء لو تسكنه شفت القمر من خلف غيمه
والبلا كل البلا لو زعلو زرقا اليمامه=كن رمش العين جيش ٍ مايعرف ابدن هزيمه
لو تصله صوب ديره مابقى ريس فخامه=انتهى عصر الملوك وصارت العالم يتيمه
والشعر لامن تثنت يحجب الشمس بظلامه=تهت فيها ليلها ليل وظليمتها ظليمه
والله اني لو قسيت اذوب منها ببتسامه=ولا نويت ابعد رجعت ودوم والنيه سليمه
فارقه والشاهد الله فارقه بِمية علامه=والجمال اللي بغيرج يعتبر دقه قديمه

ألأخ

مشاري


قصيدة في غاية الروعة والأبداع

صح لسانك

على هذا الأحساس الصدق والعذب

تقبل تحياتي