تركي 2000 يتبرع بمبلغ 10000 ريال لعبدالمجيد العنزي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الثابت** · 04/03/07, (03:22 PM)

اخواني اعضاء هذا الصرح الشامخ

طابت اوقاتكم بكل خير

اتصل علي الشاعر تركي الميزاني ( 2000) وابلغني عن تبرعه لعبدالمجيد العنزي بمبلغ عشر الاف ريال

واخبرني انه سوف يعقد اجتماع الاربعاء القادم مع ابناء قبيلته قبيلة مطير بالرياض بخصوص عبدالمجيد السبيعي العنزي

وحقيقه تركي الميزاني من الرجال اللي يقولون ويفعلون وانا اعرفه تمام المعرفه وتربطني فيه علاقه كبيره

والطيب والفزعه ليس بغريبه على رجل مثل تركي

جعلها الله في موازين حسناته وجزاه الله الف خير على هالمبادره الطيبه

واتمنى من جميع رجال اعمال عنزه وشعارها واعلاميها ومثقفيها والصغير والكبير

بالتبرع بماتجود به نفسه لااخينا عبدالمجيد العنزي وفك رقبته

واتمنى ان الجميع يقوم بذلك باسرع وقت

وتحياتي للجميع

**نجلاء محمد** · 04/03/07, (04:45 PM)

مشرفنا القدير / عبد الله الثابت
شاكرينا لكم مجهوداتكم ودوركم الاعلامي في الوقوف في هذه المحنه
وجعلها الله في موازين حسناتكم

تركي 2000 لن ينتظر من احداً شكرا فجزائه عند خالقه
وكما ساهم في فك رقبة احد عباده في الدنيا
سيفك رقبته يوم الدين في الاخره
قلوبنا جميعاً تناجي الله بان تقر عيني والديه برجوعه
جزاكم الله خيراً
تحياتي وتقديري للجميع

**صريح في زمن جريح** · 04/03/07, (05:20 PM)

الاخ عبدالله الثابت
ما اجمله من خبر واروعه من نبء عظيم
جزا الله تركي الفين خير الجزاء

وتكفى ياخوي عبدالله طلبتك طلبة رجال

ابغاك تتصل عليه وتسلمني عليه وتعطيه الابيات هذي وتراها امانه برقبتك توصلها وانت راعي الاوله

الناس تفزع في.. ردا الوقت ..للناس= ولولا ..ظروف الوقت.. مابيّن الطيب
والله ياتركي موقفك يرفع الراس=ولا هي غريبه وانتم اهل المواجيب
ياصفوة المطران ياخير نوماس=يا معرّب الجدين..ما يلحقك ريب
افزع . وفزّع لابتك بد هالناس=اللابه اللي للصعايب مشاريب
تكفووون ياللي علمكم صار نبراس= الفزعه ..الفزعه .. ولا هي على عيب
حنا بلِينا والبلا كان مقياس= اما ((الشرف)) ولاّ نفك المشاريب
فزنا ((بشرفنا)) لكن الفاس بالراس= الحكم صادر..والبلا حكم(ن) مريب
والله يجيرك من بلا كل خناس=تكفى ياتركي انخ ربعك هل الطيب
وان قالو ان ((الطيب عذروب)).. لا باس=حيث ان تركي ممتلي ((بالعذاريب))

اخوك

ابويوسف

والسلام عليكم ورحمة الله

**عبدالله الثابت** · 05/03/07, (10:10 PM)

الاخت نجلا محمد

الاخ صريح في زمن جريح

الاخ احمد السبيعي

الاخ محمد الرسلاني

الاخ ابن نوبان

الاخ بدر الحنيف

اشكركم على مروركم

وانشاء الله يخرج الاخ عبدالمجيد قريباً

وتحياتي

**سالم الصقري** · 06/03/07, (01:16 AM)

اخوي علي اتق الله !!

مالي دخل هو شاعر ول غيره..
ارجال تصدق ول مفروض مو انا ول انت الي يتدخل هذا شيئ بين وبين ربه انت ماتدري بنيت الرجال
يعني بدال لاتشكره ان نفع ولد عمك تروح وتنتقده مايجوز هل كلام !!

وبيني وبينك مبينه ان تركي راح يتأهل لو ولا اعنزي صوتله

وبشرك يا علي ترا عيال عمك فيهم خير وحميه
وعلم لوالله لو كنت محتاج بشي ماراح يقصرون معاك

وتقبل فائق احترامي ,,,,

**محمد الرسلاني** · 05/03/07, (01:02 AM)

الاخ /عبدالله الثابت تاج راسي

اسعدنا هذا الخبر كثيرا" وبيض الله وجه تركي 2000

وانت وربي نبراس للحميه وانت راعي الفزعات ومواقفك

لاتنسى ابدا واعرف تماما انك في هالموضوع قدمت الكثير

والكثير والله يعطيك العافيه وقواك الله

**أحمد السبيعي** · 05/03/07, (03:29 AM)

الله يجعلها في ميزان حسناته

قدها وقدود