ياما تبعتك شرق و الناس قبله

[سعود المسعودي]

سلطان الهاجري

للشاعر سلطان الهاجري في الغزل :=
---------------- =
يابو العيون اللي هدبها مراييش = يابو الدلع ياللي شفاياك ذبله
ياما على شانك نويت المطاريش = وياما تبعتك شرق و الناس قبله
واليوم كني شفت فالوضع تشويش = شي(ن) مجمعت العلوم تحسب له
وش عاد لو تزعل على الدراويش = انا بدوي(ن) راح يطرد هوى ابله
عفط الرقاب اللي وبرها عكاريش = لا ربعت قلبي يزين الطرب له
ننزل بها في منزل|ن) مابعد نيش = روض(ن) خضر عشبه خزاما و ربله
في ليلة ياتي مطرها رشاريش = هاذا ربيع القلب عقبه و قبله
لا تحسبيني عقب فرقاك ماعيش = من لاحسب لي عادتي ماحسب له
حتيش لو بينتي الصـــد حتيش = لانيب لا عنتر ولانتي بعبله
مما راق لي =

[عوض بن خميس]

اخى صقر الصقور
شكرا لك على نقل هذة القصيدة الرائعة لشاعرها القدير سلطان بن رسام الهاجرى
تحياتى ومودتى اخى صقر ودمت بيناا معافاااااا

[سعود المسعودي]

ابو احمد


كل الشكر والتقدير لك على الحضور المميز


الله يقويك

[البدر]

ذائقه ولا احلى

الله عليك على هذا الاختيار الجميل لشاعري المفضل

[الجوكر]

قديرنا الفاضل

صقر الصقور

دائماً مميز بكل شيء..

حفظك الله وادامك


تقديري

[سعود المسعودي]

البدر

كل الشكر والتقدير لك على الحضور الجميل


الله يقويك

[سعود المسعودي]

الجوكر

الف شكر على كل حرف كتبه قلمك الكريم