في زحمة المجلس سرحت بخيالي وعادت بي الذكرى لصفحه قديمه - °~*¤®§(§ شبـــكة ويــلان العـربـيـه §)§®¤*~ˆ°

**احمد الشراري** · 24/09/10, (02:21 PM)

كيبورديه أتمنى ترتقي لذائقتكم

في زحمة المجلس سرحت بخيالي=وعادت بي الذكرى لصفحه قديمه
كوعي على مركاي وقاعد لحالي=وقتً طرالي والنوايا سليمه
يوم الطفوله دايم الفكر سالي=نضحك ونلعب والسعاده مقيمه
ابقى على الذكرى وهي راس مالي=وياعز حالي من قديمه نديمه
ماعاد صدري يابوفيصل شمالي=والصدر يشكي والحنايا خصيمه
ومن العمر راحت علينا ليالي=يوم البرائه في النفوس الكريمه
جانا زمان المصلحه والريالي=ومجالسن فيها الحسد والنميمه
ياكبر فرقن بين الأول وتالي=فرقن يبين للعقول الحكيمه
ليت الزمن يرجع ويرتاح بالي=وقت الوفا ويالقدر والحشيمه

**ابوعيسى** · 24/09/10, (02:33 PM)

صح لسانك اخي احمد الشراري ولك تحياتي

**البحري** · 24/09/10, (02:58 PM)

اخوي / احمد الشراري
قصيده رائعه......
استوقفتني لحظات جميله.........
صح لسانك ...صح لسانك...

**علي السابل** · 24/09/10, (04:22 PM)

صح لسانك يالشراري

وصح خيال شعرك الرائع

قصيده جميله من شاعر اجمل

تقبل تحياتي

**بدرفهد الجعفري** · 25/09/10, (01:51 PM)

احمد الشراري

صح لسانك على هذه الابيات الجميله من شاعر يعشق الجمال

تقبل اعجابي

**سليمان مفضي العنزي** · 25/09/10, (07:17 PM)

الشاعر القدير / احمد الشراري

صح لسانك على هذه الابيات القيمه ولايعيبها كونها كيبورديه فهي مميزه بحق

ارجوا تقبل مروري المتواضع

**البدر** · 25/09/10, (07:18 PM)

الشاعر احمد الشراري

صح لسانك مليووووون

مبدع في كل مجال فلا تحرمنا من مشاركتك الابداع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري