اختبار البدوي لطالب يد بنته - °~*¤®§(§ شبـــكة ويــلان العـربـيـه §)§®¤*~ˆ°

**عماش الخدلي** · 22/07/05, (05:44 PM)

مساء العسل لاحلى اعضاء

ان شاء بخير يارب

المهم ..

بدوي يختبـــر خاطـــب بنـتـه !!!

نزل أحدهم على بدوي ضيفاً يريد الزواج من ابنته فقال له البدوي :

: أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟

الضيف / تفضل .

: البدوي / وش الشيء اللي يضرك إذا أرتفع وإذا أنخفض ؟

الضيف / هذا الله يجيرني وإياك والعروس ... مرض السكر والضغط .

البدوي / : ما لك لوا ... هذا سعر البترول .

البدوي/ :طـيـب ... من هو اللي يصلي النافلة ويترك الفرض ؟

الضيف / المجنون :

: البدوي / صدقت ... هذي الموظفة اللي تخدم الناس
وتضيع زوجها وأولادها وبيتها طيب ...

البدوي/ : من هو الملك اللي نزل من عرشه وضيع شعبه وأشتغل سوّاق ؟

الضيف / هذا سؤال صعب !

: البدوي / أبداً هذا بسيط للي يعرف الواقع ...
هذي الحرمة اللي تشرد من بيتها وتطالب بسواقة السيارات

البدوي/ وش الدولة اللي فيها رئيسين ؟

الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين

: البدوي / شفت إنك ما أنت داري بشي ...
هذي بيوت اللي ينادون بمساواة المرأة بالرجل.

البدوي / طيب ... إذا بغيت معنى كلمة عربية وين تدور عليها ؟

الضيف / في لسان العرب أو القاموس المحيط .

: البدوي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها

الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام

: البدوي / طيب ... وش الوردة اللي ما تستخدمها إلا إذا ذبلت ؟

الضيف / أصلاً إذا ذبلت , ما عاد يصير لها قيمة !

: البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!

البدوي /طيب ... منهم الأبرياء اللي يجوز قتلهم ؟

الضيف / ما فيه .

: البدوي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .

البدوي / إييييه ... الظاهر يا ضيفنا العزيز إن ما لك نصيب
في البنت لأن ما عندك (( فقه بالواقع ))

وبعدين البنت باقي تدرس وعمرها لا زال 35 سنة
وباقي توها صغيرة على الزواج!!

**صالح العرجان** · 22/07/05, (07:22 PM)

سحبه على وجهه

واخرتها البنت تدرس

هذا هو الواقع اللي ما عرفناه

**محمد الدلماني** · 23/07/05, (01:18 AM)

فعلا هذا الواقع المؤلم واللي خلى البنت عمرها يوصل 35 وهي للحين عانس

هداهم الله

لي عوده للموضوع

لاهنت

**ذيب** · 23/07/05, (04:07 AM)

خطير هالشويّب

والله ذهين

مشكككوووووور عماااش

**فهد الخدلي الفدعاني** · 26/07/05, (05:01 AM)

: البدوي / طيب ... وش الوردة اللي ما تستخدمها إلا إذا ذبلت ؟

الضيف / أصلاً إذا ذبلت , ما عاد يصير لها قيمة !

: البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!
,
,
,
وبنته عمرها 35 ؟؟؟؟؟؟؟؟؟؟
,
,
,
لاهنت يا خوي

مع تحياتي وأحتراماتي وأشواقي الحاره المعطره
بأحر المشاعر وأعذب الأحاسيس وأطيب التمنيات لك بالتوفيق والنجاح

اخوك فهد الخدلي

**كامل الخدلي** · 26/07/05, (09:17 AM)

شكرا يافهد الخدلى

**عزيز نفس** · 26/07/05, (05:28 PM)

الأخ عماش

جزاك الله كل خير على الموضوع الحساس

فعلا بعض الشيبان يصعبون الزواج لبناتهم

من مهور وأن ابن العم يأخذ بنت عمه وشهادات عاليه

الاخ عماش حفظك الله من كل مكروه

استمر فى عطائك