سيرة فهد تاريخ ماهي تقارير - °~*¤®§(§ شبـــكة ويــلان العـربـيـه §)§®¤*~ˆ°

**حمود نايف الهذيل** · 04/08/05, (03:28 AM)

بسم الله الرحمن الرحيم

اخواني اعضاء وزوار منتدى ويلان
احسن الله عزاكم في فقيد الامه الملك فهد بن عبد العزيز رحمه الله
واحب ان اطرح هذه المشاركه المتواضعه عن ما الم بنا
وانا لله وانا اليه راجعون

بقلوب وأنفس مؤمنة بالمقاديــــــر= نصبر على كبت الحزن والكآبه
نبدل العبرة بدعوة وتكبيــــــــــر = يالله رضاك ودعوة مستجابــــه
ننعى الزعيم اللي نعوه المشاهير = الأمتين من المصيبه مصابــــــــه
اللي لدين الحق شعلة وتنويــــــــر= مليكنا درع البلاد وحجابـــــــــه
غيابه مصيبه علينا وتكديــــــــــــر= أكبر مصيبه واجهتنا غيابـــــــه
تأثير توديعه ما هو بأي تأثيــــــــر = هذا الوداع اللي نحس بعذابـــــــه
وشلون أعبر عن مدى الحزن تعبير = وشلون أباجحد حزن ينزف صوابه
غلاه فطره ما دخل فيه تزويــــــــر= غلاه لا شبنا تجدد شبابـــــــــــه
شخصيته فيها مزايا عن الغيــــــــر= شخصية عنها تطول الأجابـــــــه
زعامته ما جت بصوت الجماهيــــــر =ومكانته ماجابها بالنهابــــــــــه
أسطورة تذهل عقول الأساطيــــــر = جميع من بالأرض يحسب حسابـــه
من كبر قدره له معزة وتقديـــــــــر = من حكمته من حنكته يقتدى بـــه
من عطفه وخيره للأمة كسب خيــــر = ومن هيبته عدوان الأمة تهابــــــه
بالعزم بدل عسر الأوضاع تيسيـــــر = كم حقق أهداف وكم أنهى طلابه
زعيم نهضة طور الشعب تطويـــــــر = لين رفعه بين السماء والسحابـــه
من قوة إيمانه على دينه يغيــــــــر = نهجه على نهج النبي والصحابــه
سيرة فهد تاريخ ما هي تقاريــــــر = تصعب على اللي يعشقون الكتابه
على جهوده والتعب والمخاسيــــــر = يالله باحسانك تضاعف ثوابــــــــه
وعسى معاناته عن الذنب تكفيـــــر = وبالمغفره والعفو طيب ترابـــــــه
يارب تجعل له عن العسر تيسيـــــــر= يارب تجعل دعوتي مستجابـــــه

**فهد الخدلي الفدعاني** · 04/08/05, (03:42 AM)

الشاعر والاخ /حمود نايف الهذيل

صح لسانك
ورحم الله فقيد الامه العربية والاسلاميه
رجل التاريخ والمواقف العظيمه

خادم الحرمين الشريفين

ولاهنت

ودمت للويلااااااااان

**صالح الضويحي** · 04/08/05, (02:43 PM)

بقلوب وأنفس مؤمنـة بالمقاديـر
...............نصبر على كبت الحـزن والكآبـه
نبـدل العبـرة بدعـوة وتكبيـر
..............يالله رضـاك ودعـوة مستجابـه
ننعى الزعيم اللي نعوه المشاهيـر
.............الأمتين مـن المصيبـه مصاب

واحسن الله عزاء الجميع وتغمد الله الفقيد بالرحمه والمغفره

ها انت ترسم المشاعر 00

مشاعر الجميع عبر هذه الرائعه

تحدث الشعر بلغته الصادقه وجسد الصوره بكل آمانه

ولكن عن من يتحدّث ؟

عن رجل التاريخ لهذا فمهما قلنا فهو قليلٍ من كثير

نسأل الله ان يجعل ماقدم في موازين حسناته

سيرة فهد تاريخ ما هـي تقاريـر
.............تصعب على اللي يعشقون الكتابـه
على جهوده والتعـب والمخاسيـر
............يالله باحسانـك تضاعـف ثوابـه
وعسى معاناته عن الذنـب تكفيـر
...........وبالمغفره والعفـو طيـب ترابـه
يارب تجعل له عن العسر تيسيـر
..........يارب تجعـل دعوتـي مستجابـه

آمين 00 اللهم اغفر له واسكنه فسيح جناتك00

صدقت مشاعرك وصح لسانك

تقديري واحترامي اخي الغالي

**هزاع الساري** · 05/08/05, (01:42 AM)

صح لسانك يا حمود

ولاهنت يا بعدي

على هذه الابيات الصادقة في هذه المناسبه الحزينه

**محمد الدلماني** · 05/08/05, (05:11 AM)

وعسى معاناته عن الذنـب تكفيـروبالمغفره والعفـو طيـب ترابـه
يارب تجعل له عن العسر تيسيـريارب تجعـل دعوتـي مستجابـه

صح لسانك اخوي حمود والله لايهينك

**سلطان السويلم** · 05/08/05, (04:00 PM)

الفهد سيره تاريخيه فقدناه ولكنه سيبقى

في قلوبنا الفهد سيبقى في قلوبنا الفهد

ولن ننساه

حمود نايف

ليس غريب عليك هذا الشعور وهذا النص الحزين فا الخساره كبيره

اوبو نايف كتبت نصٍ شعريا منفرد

صح لسانك ولا هنت

يبقى تواجدك هنا مطلب اساسي لا غنى عنه فلا تبخل علينا

وتقبل تحياتي

**هيـاا العـازمـي** · 05/08/05, (10:10 PM)

رحم الله أبا فيصل

وألهمنا

والهم اهله وذويه الصبر والسلوان

سائلة الله تعالى أن يطرح البركة والسداد

في الملك عبدالله بن عبدالعزيز

وأن يوفقه لما فيه خير الأمة

والشعب والوطن الغالي

" كل نفس ذائقة الموت "

اللهم لا اعتراض

.
.

الفاضل .. حمود نايف الهذيل

صح لساانك وبووحك واحساسك

لاهنت

تحياتي

هيــــااا العـــازمــــي