إلى أخي// ماجد الجعفري

[سعد النفج]

كلمات لن توفي هذا الشخص حقه , ماجد الجعفري رجل يستحق الاحترام و التقدير من الجميع, أوجد له مكانه تجبر الجميع على احترامه.

تعني يا هجوس الشعر وابني للرجال قصور=عليها من الذهب و الماس و اشيا تذهل الساده
تجمل يا قصيدي و انت ضلع و لاعليك قصور=تحيزم بالوفا للي له دروب الوفا عاده
تعنا للعضيد و عانقه بالمنتدى المخبور= رساله من عضيده.. محزمه.. شلفاه.. و زناده
تعنا للكريم ابن الكريم الوافي المذخور=عصابة راسي ليا من تحدا الوقت بإجهاده
ولد من يرفع الراس بشموخ الفارس المشهور=و لد غانم.. وابو ماجد سلامي له و لاولاده
إلى ماجد ابن غانم كتبت القاف دون شعور=جبرني طيبه اختار الجزيل بزحمة بلاده
بلاد الشعر.. وعيونه ..تطيع و قافها مجبور=مدام المدح في رجل(ن) ورث طيبه من اجداده
حفيد اهل المكارم والمراجل و الثنا مذكور=زحازيح(ن) بنو للطيب ساس و شدو عماده
اذا هي بالشجاعه..والشهامه .. والكرم ..والشور=لهم شي(ن) يشيّب راس طفل(ن) علّق قلاده
واذا هي بالشعر جابو كنوز الدرّ وسط بحور=وقصيد الجعفري سيف(ن) شطير بيد قصاده
مدحتك يا بن عمي وانت مدحك ما يشوبه زور=لأن الطيب في قلبك كبر من يوم ميلاده
ألا يا هاجسي وصل سلامي واكشف المستور=أزح ستر القوافي و اذهل الممدوح و الساده

ولكم تقدير و احترامي

[مصلح النشمي]

.



الرائع والمتألق شاعرنا العذب سعد النفج



صح لسانك مليااااار


جزله من جزل وفي شاعر جزل

ماجد الجعفري يستاهل معلقه

رجل يجبرك على احترامه

راقي بحضوره ..وجزل في ابداعه

كثر الله من امثالكما الانقياء


تحياتي

[مسعد النافل]

صح لسانك اخوي سعد النفج ويستحق ابو غانم ماقلت فيه
وبداع ملحوظ ابو شايش تقبل التحيه

[فهد الشافي]

شاعرنا الفاضل سعد النفج صح لسانك على هذه القصيدة القلبية

منك الى انسان له معزة ليست عندك فقط مع احترامي لك بل عند الجميع

مشرفي الفاضل ماجد يستاهل هذا واكثر لانه في اعلى درجات الاحترام والتقدير

حقيقة لو وصفته لن اوفيه حقه

فلك الشكر والثناء اخي سعد

تحياتي





ولد من يرفع الراس بشموخ الفارس المشهورو لد غانم.. وابو ماجد سلامي له و لاولاده
إلى ماجد ابن غانم كتبت القاف دون شعورجبرني طيبه اختار الجزيل بزحمة بلاده
بلاد الشعر.. وعيونه ..تطيع و قافها مجبورمدام المدح في رجل(ن) ورث طيبه من اجداده

[رابح الغضيان]

أخوي الغالي.....الشاعر سعدالنفج..


صح ألسناك جزله جزله جزله ياسعد....
ويستاهل الشاعرالرائع والجزل والخلوق ماجدالجعفري....
ويسلم لنا المادح والممدوح أدم الله بيننا هذا الحب والأخاء الصافي والخالي من النفاق
ومحشومين جميع أعضاء هذا المنتداء الشامخ..........






تحياتي لك وللجميع..

[نجلاء محمد]

أخي الكريم .. سعد النفج

نص راقي

ومشاعر صـــــادقه

صح قلبك .. وفكرك

ويستـــاااااااهل

شاعرنا العذب ماجد الجعفري

دمتـ بكل خير

نجــــلاء

[ابوعبدالملك]

صح لسانك يابن عمي يابن نفج على هالابيات الرائعه
في شخص رائع ويستاهل ابو غانم

تعيش ياللي قلت في ماجد سطور وترى لكم مني ياسعد شهاده

بالوايلي اللي طلع كنه النور اللي خدم ربعه وخدم بلاده


ودمتم بمحبة وصفاء ووفاء