الف ..باء ...تاء
وتاء ..تأبى أن تكون
أخر إحساس
الجنون
بـ الف
ياء
ولن تكون
من جنون الفكر
بكر
حلقت عالي سماء
في سماء من الجنون
وجابت احساسي
سكر
وجيت اغني
ااه مني
جيت اغني
وكل غي ٍ ..لاكتبته=قال لاتكتبني ..تكفى
ولو قربني ..ما قربته=لانه اصفى مني اصفى
لو هو ماء ..ولو شربته=دون ماشعر قمت اغفى
حس يغلبني ..إن غلبته=ولاني خافي ولاهو يخفى
وهل هو يخفى
من لمع وسط السماء
وانخلق بحساس ..أخر
غير عن حس
النساء
يحتفي بالشعر ..لنه=يشعر إن الشعر فيه
وكل ماجيته ..بجنه=جيت مجنون ٍ ..عليه
النفس منه ..اكنه=واشعله ..ظلع ..يبيه
وازفر ..الالام ..عنه=وازعله ..واقول.. ليه
هذا لاني كلي
منه
ولا ابيني بس ابيه
من كسر صمتي ..وغنى=لحن تفريق الاحبه
واعذاب ..اللي تعنى=ولملم الاحزان ..حبه
شاعر ..لامن ..تمنى=يلقى ..بالاحساس ربه
واسرج خيول المعنى=وطب بالالم ..غبه
ولابغى ..بيوم ..يتونى=جاه ..داه ..وراح طبه
وطبه اللي راح عنه
حلم ..وامال ..وطموح
وانقسامة روح
عيت
رغم هذا البؤس فيه
لا تروح
خايفه ..ساعة تروح
تلتقي بثاني
الجروح
ثم تروح
بدون
رجعه
وياهي فجعة
عادلت كل
الجروح
وحلقتبي
وحلقت عالي
معاه
رغم انفه
لجل يشعر
بالوفاه
بسم
فاه
وحلقت عالي معاه =وحلق لسابع سما
وقال يالله وش وراه=شاعر ..حوله ..دمى
ماسأل شخص رماه=ليه يمه ..هو رمى
شاف عالي مستواه=وكن عن ليت ولما
من يكن الماء هواه=يرتوي صدره ضمى
عاش بك روعة دفاه=لين بالبرد ..ارتمى
شخص ميت ..بالحياه=مبصر ..لو به عمى
لارقى الغيم ..وعلاه=غاب ..بحساسه كما
من شهق اخر ..مداه=وكن به من ماكمى
واهتواه اللي لقاه=سم ..لكن به ..لمى
ومن ضماه ..الماء يصيح
ولا لقى من يشتريه
ولو بلاش
وعاش حلمه
بلا انعاش
ورغم هذا البؤس
عاش
وعاف ..معناه الصحيح
بعد ..ما جاء به
يصيح
كل حلم ٍ بالصباح
بظلم ليل
صاح
ودون مايشعر
حبيبه
صاح به ياصاح
طاح
صاحبك
وامسى
طريح
ياخي طيح
واكتب الاحساس نور=لين يجلي هالظلام
وقلهم ..كان الحضور=راقي ..يقري السلام
اي دور ..دون دور=واي صوم ..واي صيام
كان ..الايام ..زور=تبني احلام ... لــ / أمام
وكنت ..ادور وكنت ادور=وارسم الامال شام
وايمن الدرب
أحتواني
وجيت له رغم المسافه
حتى شفت إن الماء
أفه
وقلت عادي
كل حلم .. ..بالبدايه=يكسر الخاطر ...علي
وكل ..شي وله نهايه=حتى انا وانتي و هلي
بس ..انتي ...كنتي ..ايه=وصلتني ..لما ..يلي
الهوى
احساس وشعور ..وحضور
وكلهن جن بك سوى
وابتديت احس انك
من صنع صبحي ..ظلام
ولو تكون اليوم
نور
كل غصن ٍ طاح في فجره ..ندى=مايضيق من العطش وسط السحاب
والحكي ..بحساس مايبغى صدى=لو يغيب العمر ..روحي مايغاب
انتِ الورد ..ومثيره ..وان حدى=صاحبك إحساس ممليٍ ٍ ..إعجاب
علميهم ..من على الغيمه عدى=ذيب ..لكن غير ..عن كل الذياب
وعلميهم
من انا
شاعر
يشعل ضلوعه ..من أرق
ويكتب احساسه ..بماء
من عرق
لين كلته ..الضلوع
وحس في داخل ..ضلوعه
طفل يصرخ
ياخي ...جوع
ياخي
جوع
اي جوع
هالمشاعر
ياخي
جوع
هالمشاعر ..غير ..لكن وش تقول=والضياع احساس مبني ..بـ /أضلعي
وانت لين الحين ..للحين بذهول=ولاعرفت ..تعايش ..احساس أطبعي
ياخي كافي ..والا تدري ياخي قول=وش بقى ياشين ..بيزيد ..وجعي
قول قول
وكل ماصدقت قوله=وابتديت ابدا اقول
وابتدا ..يضهر بزوله=شفت زول ماهو زول
ورد المذهل ..ذهوله=وعاش عقبه في ذهول
لو غدن هالبيض حوله=من حلاه البيض حول
ورغم هذا ما انحولت
وكنت أغني
اااه مني
كم لي ابني ..بالسحاب
من مدائن
من ضباب
واكتب ..الحرف الحزين
فوق عالي
بالغيوم
لين اطيح
ولا اتحمل حتى
اقوم
ثم انادي ..ياظلام
من لهذا البؤس غيري
وانا من عاش ..أنهزام
كل إحساس ..بطيري
من حياه
لملمت ..للحزن ..شاعر
لملم أحزانه ..مشاعر
وتمتم
بوسط الظلال
وادي اشعل ..لي زقاره
وقال حظه
لا لا
لالا
اشتعل ..إنت الزقاره
وقمت لجله
للمساءشبيت عود=وشب هالعود ..بيدي
ولجل احرك هالركود=شبيت فيني ياولدي
ولالقيت ..الا الجحود=ولاحد ٍ قال ..بعدي
اثر ..مابالطيب فود=خص لاكان ..بردي
كان للمعنى وعود=وتهت قبل القى وعدي
عند حلال العقود=ضبي ..بيديه ..اعقدي
كل ما احاول يجود=قال هود ..يا اجودي
وكل ما حاولت أهود
وارسم لحلمي
مواني
ما لقيت الا مكاني
وماضي كان
أول ..يغني
من لاشجاني
يعاني
غير ..ضبي ..بالنفود
قالها لي مره
وبصراحه
هذا قلبك
أمسكه ..وامسك جراحك
وروح عني
ما ابيك
ولا تعوود
وطاح هذا الليل
في
قبر
الصباح
وصاح هذا الصبح
وينك
ياللي اول
كنت ..منزلني بعينك
ياخي
وينك
17/03/09, (12:28 AM)
الف .. باء ..تاء
العرض العادي
