ردا على فواز الغسلان ..ماالوم راوي نجد لو شال عود الناي

[خلف الغريب]

http://www.weelan.com/vb/showthread.php?t=17914


تشرفت بالاسناد الجميل من اخي العزيز الشاعر فواز الغسلان على الرابط اعلاه وهذا هو الرد آملا ان ينال استحسانكم وان يرتقي الى مستوى جمال الصوت الغسلاني ..

انا البارحة مع ساهر النجم شلت غناي= اهيجن لحوني لين جيش الظلام انزاح
ولا الوم راوي نجد لو شال عود الناي=وغنا على رجم الهوى لاح يالي لاح
عفا الله عنك انكيت جرح بوسط حشاي=طيوره على اغصان الحشا بالجفا صداح
وانا لي ثمان سنين دايه بوسط رداي=اجامل ضحوك السن واجزي المزاح مزاح
وبعد ما لفى قافك تنبهت .. واثر دماي:= تتالى , وراع الجرح من حر مابه صاح
الا يا عشير الغوش لا تبتحل بالراي=لفتك البيوت اللي بها الشور نوره ضاح
(ترا عمر رفقات الرخا عمر جلسة شاي )=ويروغون وسنون الدهر بالغضب كلاح
رفيق الضحى والعصر صاير زعيم عداي=لحا الله من يرجي من النذل زود ارباح
صديق .. ليا منك تجي يمهم شكاي=عطوك القفيا يوم سرك بدا وانزاح
شموت اذا جالك.. واذا غبت بك حكاي=يزين لك الطيحة وهو محتكم ماطاح
ولو طبت فيه يقول : حقي على اخوياي=يجدد علوم المغربي هو وابن طلفاح
وترا الحنظلة لو كان تسقى بعذب الماي=فلا قيل جذع الحنظلة مثمرن تفاح
وانا امشي بحاجة من نصاني بطول خطاي=كذا الله خلقني لا منافق ولا مداح
وانا من قريت الخط والنار وسط شواي=لان الهوى نار تسبب فنا الارواح
ابا اسوق في شكواك ما تملكه يمناي =تدلل وما تطلب على المتن , وانت ارتاح
واذا هي بجاه شيوخ قد حلها مولاي= هذولا بني وايل لما ينغلق مفتاح
واذا هي بحرب وضرب والراي ضد الراي=نهار الحرابة عند ربعي نهار افراح
نبي ناصل المطلوب والترف عده جاي =وتبي ترقد عيون غدت للسهر مسراح
وهذا انا ادري كل ابن آدم خطاي=وانا استغفر الله كان بالقاف صار جناح

[مشاري بن فالح]

يابعد راسي على هالجزاله يالغريب
دائما تدهشني ....
مره في منتدى خلف المشعان ( صدر الشمالي )
وها انت الآن .................
شاعريــّــه فذّه يالذيب
وابـــداع متواصل يالوايلي انا افتخر به يابعد راسي
والله اكتب باعجــاب ....
وأصفق لك ....

صح الله لســانكـ ..
واعتلا شانكـ ...

ويستاهل فواز وانت تستاهل كل طيب ياطيب الفاال
شكرا لك على الرديــــــــــــّـــــــــــه
الممتـــــــــــــــــــازه ..

شرف لي والله ارد اول خص

تقبل تواجدي المتواضع امام الشـاعريـّـه العملاقه
:

:
اخوك ومحبك / راعي أكّــــــــــحـلا

مشــــــــــــــاري العنزي

[معيض بن عريفج]

الاخ الشاعر والاديب خلف الغريب

الف الف الف الف الف صح السانك

لين تراضاء اي والله انت شاعر واديب

لايختلفون عليه اثنين ونعم بالمسند والمسند ايليه

ودخل الدخيل وسلم وتذكرت بيت من قول احد الشعراء يقول

الطيبين الياتمشكلت فكوك -بالمال والا بالايادي فككها

الله الله على الندى والاستجابه ياحي الحي

اعجبني الصوت وصدى الصوت اي(البدايه والرد)

والغسلان لم يسند الا على كفو والاخ خلف اهلا لذلك تحياتي لكم جميع

[عبدالرحمن اليمني]

قصيده رائعه من شاعر رائع تقبل مروري

[عوض بن خميس]

واذا هي بحرب وضرب والراي ضد الراي@@@ نهار الحرابة عند ربعـي نهـار افـراح

الله الله الله
عليك يابو خالد جواهر من رجل يعرف كيف يلوى رقاب المفردات حتى تاتية صاغرة رغم عن انوفها ليتفنن فى صقلها ووضعها فى قوالب من ذهب حتى تروى ذائقة المتلقى . لست فى هذا المقام ناقدا معاذا الله فانت كتلة من الابداع والشاعرية... ارتويت من مناهل الرجولة قبل ان تنهل من علوم الرجال فجتمعا حتى صنعت خلف الغريب .راوى واديب وشاعر جزل اخذ بخيوط الابداع من جميع جوانبة... رد رائع قصيدة شامخة بشموخ شاعرها... هنياااااا لشعر بك وهنينننا لنا بك .. سجل اعجابى وتقديرى واحترامى حتى ترضى..... اخوك ابو احمد

[سالم العنزي]

ابو خالد

ارويت عطشي بهذه الجميله فقد كان ردا تشفى به القلوب

صح لسانك وبس

[البدر]

انه الصدى الاجمل

رد من شاعر متمكن وفيلسوف في الشعر

صح لسانك مليووون