بيوت وازوال وربيع ومضارب

[عبدالعزيز العدواني]

ابدا وانا ماني لشكـواي طـارب = والصمت حكمه مير للهرج نقـوه
الكبد عيت عن لذيـذ المشـارب = والعين شافت باسود الشال فجوه
والنفس قالو في غثاهـا مـآرب = يوم ان منوتها على الناس منـوه
عمر الحفى ما عالجته الجـوارب = وان زادت الخطوه تعثر بخطـوه
لجت عجم من بين ترك ومغـارب = في داخلي والضول شيبن ونسوه
ان قلت شدو حبلكم جت مكـارب = شدو الين الحبـل قطـع بعنـوه
وانا بشر لي شوفتن ما تـزارب = ارضي وازعل كل من جاب دلـوه
افكار تشرق بالزمـان وتغـارب = والصيف متعب يتعب الناس صلوه
يصلى بحره فندقن وسـط تـارب = خمسة نجوم ويبهر الناس علـوه
نسل العرب مستعرب وفيه عارب = والعلم صارم مير للعلـم حشـوه
سلسل سلى سلسالها فوق غارب = من سل مسلوله شجاعه ونخـوه
ما فاد مع ذيك التجارب تجـارب = ولا عاش من يظهر ثناياه سطوه
قارب غرق من دون سبعين قارب = من شان خيالن غدت فيـه فلـوه
موجود عشره بس عشرين هارب = والعشره الباقيـن صفـو لحلـوه
فيها حلى لكن بها فيوز ضـارب = وان شالت الغطوه تغشت بغطـوه
حلت محلـن للحـى والشـوارب = وراع التمر بدل خلاصه بعجـوه
بيوت وازوال وربيع ومضـارب = وعلوم تبقى للعشاشيـق سلـوه
الداب يجرع من سموم العقـارب = والذيب نومه يا اظلم الليل غفـوه
ماهي براحه واستراحة محـارب = إلا على ما قيل يـا نـاس جلـوه
يا عاد ما وجهة بعضهم تقـارب = يا زينها تسوى الملاييـن خلـوه

[مشاري بن فالح]

لله دركّ يالعدواني
نص عباره عن

شــــــــــــــعــر في شــــــــــــــــــــعر

ياسلام يا سلام عليك ... جزله من راس جزل .....
عجزت اقتبس البيت الذي اعجبتني .. وكلها ابيات عجيبه ..

صح لسانــــــــــــــــــك من العراق لي بيتكم ... يالقرم
واعتلا شانكـــ
ارويتني شعرا يشهد علي ربي ...
الف شكر لك

وهكــذا الحضـــور والاّ فـــلا يالذيب ...

تقبل تقصيري ...

اخوك/ راعي اكحلا


:

:

افكار تشرق بالزمـان وتغـارب
والصيف متعب يتعب الناس صلوه
يصلى بحره فندقن وسـط تـارب
خمسة نجوم ويبهر الناس علـوه

[حمد الخمعلي]

الاخ القديرعبد العزيز العدواني0


كمااا عوتناااا على جميل حرفك ونبعك الغزير0

ابدا وانا ماني لشكـواي طـارب
والصمت حكمه مير للهرج نقـوه

بدأت في هذا البيت الذي اتى بملخص القصيده كااامله0

وتسلسة القصيده على ضووء البيت الاول حتى نهايتها0

كُن بخير

[خلف الغريب]

شاعرنا عبدالعزيز العدواني ..

الف صح لسانك وسلمت على جمال هذه الفلسفة الشعرية ..

دائما تواجدك مميز ..

تحياتي وودي..

[سالم العنزي]

ابـدا وانـا مانـي لشـكـواي طــارب === والصمت حكمـه ميـر للهرج نقـوه

الله عليك يكفي الشطر الاخير من هذا البيت فهو حكمه من شاعر حكيم

صح لسانك

[هندي المقبل]

عبدالعزيز العدواني

قصيده تقف كلمات الاشاده حائره امامها كما هي نصوصك الشعريه دائما

اطربني هذا النص ووجب تسجيل اعجابي واتمنى قبوله

دمت بخير

[سعود المسعودي]

شاعرنا عبدالعزيز العدواني ..

صح لسانك وبيض الله وجهك على هالجواهر




تقبل تحياتي وجل تقديري