اسعد الله صباحك

[عبدالله المعيوف الدهمشي]

..
أسعد الله صباحك وأسعد الله مساك
ــــــــ أشهد إن الصباح ان غبت كله كدر
..
أنت لو تحسبه قدرك فـ صدري تراك
ــــــــ مثل من يحسب أبعاد الفضا فـ الشبر
..
وانت لو تبتعد .. تراي أبطرد وراك
ــــــــ وان طردني سواك أبلتفت واعتذر
..
لا بغيت اختصر فـ الشعر معنى غلاك
ــــــــ كني أبختصر كل الكتب في سطر
..
إغرف الود من قلبي على مشتهاك
ــــــــ مثل من يغرف بـ كفيه شاطي بحر
..
كل عين(ن) تشوفك ما تعبر سواك
ــــــــ وانت ليَّه وطن ولا نويت السفر
..
يذبل الحرف توَّه ما وصل منتهاك
ــــــــ وين ابروح عن حبك مدامه قدر
..

[خلف الغريب]

صح لسانك اخوي عبد الله وابيات جميلة ورائعة

اتشرف بكوني اول من يرد هنا

تحياتي لك

[محمد دعسان]

عبدالله المعيوف الدهمشي
مبدع
ورائع
تقبل مروري
الله يحفظك

[بنت الكحيلا]

صح لسانك اخوي عبدالله المعيوف

والله يعطيك العافية على النص الرائع

كتبت وابدعت ولا يستغرب الإبداع من اهله

لك شكري وتقديري

[سراب نجد]

عبدالله معيوف الدهمشي
--------------

صح السانك

أبيات من ذهب ما شا الله عليك

حابكهن حبك بيض الله وجهك

لك شكري وتقديري

[سالم العنزي]

الشاعر عبدالله الدهمشي

صح لسانك ابدعت في ماكتبت وانت رائع دائما

تقبل اعجابي

[البدر]

لا بغيت اختصر فـ الشعر معنى غلاك = كني أبختصر كل الكتب في سطر

عبدالله الدهمشي

صح لسانك .. اعجبني البيت السابق كثيرا