مســـــــــــــــألــة وقـــــــــــــت

[سعود السيف]

صباااااح الشعر

اخواني الويلان

تقبلوا مني هالابيات المتواضعه لعلها تنول على استحسانكم

ولكم جل احترامي

مســــــألة وقـــــت

يالقرم ماشفت كلّه منتهي ومْحسوم=وهي مسألة وقت بين الروس وأنصارها
هيضتني يابعد حيي بْوسمْ وْرسوم=وأهل الركايب هجيج وهم علئ أكوارها
ومازاد باالكون شيْ ولانقصْ بالرقوم=واللي عليها الكلام إن قلْ مقدارها
إن طبت قالو خبلْ يوم البخيل مْْحروم=والحر يزهد بنفسه لأجل تعبارها
أحيان أفكر بْحال الغانمين القروم=وألقى مثل ماتشوف الفقر بأنحارها
ويوم إلتفت للعفون اللي إنت خابر عموم=باالكم ياكثرها والكيف مازارها
ضحك لهم وقتنا ومحال حال(ن) يدوم=أمصار غرب البحار وشرقها أمصارها
والذكر أصبح لْمنْ ماكان في كل قوم=وشلون مادري!؟ ولكن غلية أسعارها
يلعن إبو هالزمن هذا زمان الرخوم=وفيه أرذل القوم محسوبٍ من أخيارها!!
والخافي أعظم وأنشهدْ آآه ياهي عْلوم=إمه وتنفض غْبار وتنتفْ أوبارها
والخوف والله من باكر وويل الكتوم=تْهؤل الروس كيف تصدّق أخبارها
تشوف شوفات يعذربكْ تشقْ الهدوم=والموت رحمه لمن ماطالت أعمارها
والله يالو ماأخاف بْزيف تسطى وْسوم=لآعيش في صومعه لو إشبه أحبارها
الوضع محيوس كله والدول ماتدوم=والله يجيب الفرج لصغار وكبارها
من شان طير السعد يكفخ سماء للنجوم=وإلا بليآ حياة الذل وإعمارها

[حمد الضوّي]

الشاعر القدير

سعود السيف

صح لسانك وسلم فكرك ومنطوقك الراقي لقد صدقت
بكل حرف كتبته هنا لافض فوك




ودي وتقديري

[صالح الأسود الجعفري]

سعود السيف

صح السانك نص جميل ومميز
دمت بخير

[ناجي الصقار]

المبدع
سعود السيف

صح السانك ولا هنت يالنشمي
نص مميز يستحق المتابعه والإشاده
اسجل حضوري وإعجابي
دمت بخير

[محمد المالكي]

الله الله ..

الشاعر / سعود السيف

آشهد انها .. حبكة معلم .. صح لسانك والى الامام لمزيدًا من التألق ..

[عبدالرحمن الجابري الحربي]

الشاعر / سعود السيف ..

صح لسانك وسلمت يداااك على ما كتبت ..

تحياتي ..

[سعد النفج]

الله الله يا سعود السيف ..
شعر مميز و شاعر له باع طويل في المجال الشعري ..
صح لسانك على هكذا بحر و هكذا قافية و هكذا معنى ..
لله درك و اعتذر على تنسيق النص و حذف الصورة لأنها مخالفة لقوانين هذا القسم ..
دمت و دام هذا الحضور الراقي ..