قصيدة في شباب عنزة الابطال الذين شاركوا بالانقاذ في سيول حائل ,, - °~*¤®§(§ شبـــكة ويــلان العـربـيـه §)§®¤*~ˆ°

**سالم صالح** · 05/05/13, (12:48 AM)

قصيدة في شباب عنزة الابطال والذين غامروا بحياتهم لاجل غرقى شعيب الاديرع في حايل بعد الامطار الاخيرة على المنطقة والتي نسال الله ان يجعلها خير وبركة والابطال هم ’’’’

رجل الدفاع المدني / محمد شليان الجعفري العنزي
الشاب / بدر مساعد الجعفري العنزي
وبطل التضحية /عبدالله فرحان الجعفري العنزي ,, والذي لايزال مفقود بسبب شهامته ونخوته ونسال الله ان يجدوه وان يكون بخير ,,,,واشكرهم على عملهم النبيل كما اشكر كل من شارك من اهل حايل بمختلف قبائلها فهم يستحقون الثناء,,,,

الطيب والفزعة وعشق المراجل=هذي سمه بعيال وايل ولزمه
يوم الشعيب امواج بحره تعاجل=كلاً عزومه في عروقه تعزمه
بدر المساعد فز والوضع عاجل=دشه ولا همه من السيل رزمه
واردف له اللي قال للخوف اجل=عبدالله الفرحان يطربك عزمه
راح ودموع الشعر قامت تراجل=ضحى بعمره يوم الاجواد بأزمه
ومن بعد ماجانا من الليل واجل =محمد شليان قلبه يحزمه
ماصكت اقدامه عليه وتحاجل=من فوق حرٍفي يدينه يخزمه
هذي فعول الربع طيب ومراجل=فكوا غريقٍ جاير الوقت لزمه
وشباب حايل فعلهم به مساجل=كلاً يروم الفعل يدفعه حزمه

وسلامتكم اخوكم ,,,, ســـــــالم الصــــالــح

**masha3el ** · 06/05/13, (12:31 AM)

يوم*الشعيب*امواج*بحره*تعاجل. كلاً*عزومه*فـي*عروقـه*تعزمـه

الشاعر الراقي سلم صالح

صح لسانك على النص وكفو با?بطال وربي يرجع المفقودين ?هلهم سالمين

امطرتنا بروعه كلماتك ..الله ?يضرك

تحياتي وتقديري

**سليمان الجعفري** · 07/05/13, (08:36 AM)

الاخ العزيز/ ساااالم صااالح

صح لسااااانك ملاييين قصيده رااائعه من شاعر جزل ورااائع

رحم الله المتوفين رحمة واااسعه واعااد الله المفقودين الى اهلهم وذويهم

لك تحياااتي

**حمد الضوّي** · 07/05/13, (04:41 PM)

شاعرنا القدير / سالم صالح

صح لسانك وبيض الله لقد ابدعت لله درك

ورحم الله من توفي وأعاد الله من فقد لإهله وذويه
والف شكر لكل من بذل جهده لإنقاذ من كان محتجر أو بحث عن مفقود

انقى تحيه