ماكل رجلا يلبس البشت رجال

[سالم صالح]

هذه القصيدة هديه[ من الشاعر /صالح سالم الجعفري ----لشبكة ويلان العربية على امل ان تحوز على رضاكم

ماكل رجلا يلبس البشت رجـــــــال ------------------- البشت مايطيب قصير الــــــذراعي
ولاكل من يركب على الخيل خيال ------------------- ولاكل من يجلب على السوق باعي
ولاكل من يشري معامــــيل ودلال ------------------- تلقى في بيته شبة" واجتمــــاعي
ولاكل رجلا عن عناء الدرب ينسال ------------------ احذرك من شور الغشيم الهكاعــــي
ولاكل رجلا للثقـــــيلات شيــــــال ------------------- الحمل مايشيله هزيلا رعـــــــــاعـي
شاور على القاله خبيرا بالاحــوال ------------------ ينبيك من قاسي الامور الوســـاعـي
والعلم عند معلم العــــــــــــلم دلال ------------------ والارض تحتاج الخبــــــــير الزراعـي
الناس تفرق بالصخا وسْعة البــــال ----------------- وزين الكلام ليا خلا من الخداعـــــي
السوق يوجد به هناديم وعقـــــال ------------------ وكلاً بماله يشتري ماستطـــــاعـي
وش قال بن رشيد في زين الامثال ------------------ شربك من الفرتك بقو الذراعـــــــي
ومن لاخلق للطيب في كل الاحوال ----------------- الناس ماتعلم قصير المساعـــــــــي
يغتر بعض الناس في كثرة المال ------------------ والمال له في قمة المجد باعــــــي
يلبس من الهندام وينصب ويهتــــال----------------- يقول مامثلي مع النــــاس داعـــــي
بس المهم انه من الطيب يكتـــــــال----------------- يعرف بعلم الطيب والقلب واعــــــي
اللي مقاصدهم لبس ثوب والشـــال----------------- يقصر عن الطوله دقيق النخـــــاعي
يازين لبسه يدخله شك وهبــــــال ---------------- يقول انا مثل الزعــــــيم الشجاعي
بس اجتهد يالعبد عن درب الاهمال ----------------- برق بنفسك عن طريق الضيــــاعـي
الفرق بين الناس مسقي وجـــوال ------------------ ورد على بيرا وخذله متاعـــــــــي
الفوز بالي كاسبا حسن الاعمــال ----------------- لاتحسب انك هاملا دون راعــــــــي
خذ الزهاب وزد في كثر الانفـــال ----------------- ماخسر الله عـــــبد لرب طــــــاعي
حبل الرداء مايطلعك من جبا الجال ---------------- ولا يزبن الخايف ردين يراعــــــــي

[مزيد المزيد]

سالم


هلابك مليون وهديه نستقبلها بكل تقدير واحترام لانها من رجل" مجرب وحكيم


سعيدين بهذه النصايح والدرر المفيده ....



صح لسانه وسلمت يمينك وبلغه السلام من ابنااائه هنا ...

دمت بخير

[هيـاا العـازمـي]

:

الفاضل .. سالم صالح

طبتَ

وطاب حضورك

قصيدة جزلة وقوية المعاني

أشهد بالله أن شاعرها صالح سالم الجعفري ماكذب

ماكل رجلا يلبس البشت رجـــــــال
------------------- البشت مايطيب قصير الــــــذراعي
ولاكل من يركب على الخيل خيال
------------------- ولاكل من يجلب على السوق باعي
ولاكل من يشري معامــــيل ودلال
------------------- تلقى في بيته شبة" واجتمــــاعي
ولاكل رجلا عن عناء الدرب ينسال
------------------ احذرك من شور الغشيم الهكاعــــي
ولاكل رجلا للثقـــــيلات شيــــــال
------------------- الحمل مايشيله هزيلا رعـــــــــاعـي

سلمت يمينك يا سالم على هالنقل الطيّب والرائع

وصح لسان وبووح وفكر شاعرها الجزل

خالص التقدير

تحياتي

هيــــاااا

[][خالد الشملآني][]

ماكل رجلا يلبس البشت رجـــــــال -- البشت مايطيب قصير الــــــذراعي

... صدقت اخوي سالم صالح ..

سلمت وسلم نثرك الجميل ..

ودعني احاورك بابيات من الشاعرهـ : نوف بنت شطيّط العتيبي


إذا المراجل لبسة شماغ وعقال

*********************** قل للعذارى يلبسنّ العمايم
ما عاد يفرق زول حرمه ورجال

**********************دام الفعايل تشبه البعض دايم
المرجله ما هيب كلمه وتنقال

********************* وتروح ما راحت هبوب النسايم

وإلا خشونة صوتٍ أو رفع الأثقال

****************** أو رزة صدور ٍ وفعل الزلايم

ولا هي بعد مفتاح موتر وجوال

************************ وإلا ردا السان ٍ حديثه شتايم

المرجله شيمه عن القيل والقال

****************** رفيع نفس ٍ حر بالجو حايم

المرجله عقلٍ وِزن وزنه جبال

****************** ودون العقل وش فرقنا والبهايم

يا مسندي لو مايل الوقت بي مال

********************* يا وِلد ابويه يا عظيم العزايم

يا معرّب الجدين امن العم والخال

******************** يا نخوة المفزوع وقت الهزايم

المرجله يا خويه هي طولة البال

****************** هيّ العزم هيّ الصبر فالظلايم

فيها الكرم عزه و دله وفنجال

********************* فيها الكرامه عن ردا الطبع شايم

ومن لا يعرف الرب في طيـّـب الحال

********************* لابد وقت الضيق بالهمّ هايم

حتى صلاتك مع جماعات ورجال

**********************في خيرها يا خوي نعم الغنايم

و اليا انتصفت الليل يا طيب الفال

********************* يا عظمه اجرك وانت ساجد وقايم

ولامنـّـها للرب رِفعنّ الاعمال

*********************** حسن الذكر لا قالو فلان صايم

واحذر تبيع النفس في درب الانـذال

********************** وتتبع خوي إبليس راع النمايم

النفس خيلِ لك إذا كنت خيّال

************************ ومن لا قوى نفسه قوته الهزايم

ولا صرت ما تدري, على ويش رجال؟

********************* والله خسارة فيك ذبح التمايم


تقبل خالص تحياتي ..



...][خالد الشملآني][...

[سالم صالح]

]مزيد المزيد
هيا العازمي
خالد الشملاني

شاكر مروركم وحضوركم العطر الذي اشم فيه رائحة المسك والعنبر ودمتم بالف خير ------------

[سعود الشاكي]

السلام عليكم

صح السانك والسان قايلها

والله انا اكتب قصيد بس عقب ما كتبت قصيده ونزلتها في احدى المنتديات ولقيتها بالجريده لاحدى الاسماء خفت حقيقه

والقصيده هذي ذكرتني بقصيده للشاعر المرحوم محمد بن شلاح المطيري اللي قول فيها

ياليت فيه وسوم تعرف للانذال
حتى نعرف النذل ونكب جاله
لكن عمت من لبس ثوب رحال
وكلن تسمى بالشرف والرجاله

وشكرررررررررررررررا

[تركي صالح]

هلا بخوي سالم

ودمت وسلمت على نقل هذه الرائعه

للوالد العزيز

وهذا ما تعودناه منه الجزاله والبساله في جميع قصائده

صح لسانه ملايييييييييين

ودام وسلم بكل خير وعافيه

وتقبل فائق التقدير والاحترام