رسالة خاصة .... للجميع !!!! - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**صبار العنزي** · 25/10/06, (03:29 PM)

ابن هيازع

عيدك مبارك .. وتبارك سنينــك
............. وعساك سالم يا زبون الونيـه

الله على فعل المكارم يعينك
............ هنيتني والــرد واجب عليـــه

**صبار العنزي** · 25/10/06, (03:33 PM)

محمد المقبل

دايم على الجــــــــزلات تسبق منافسك
............................ بك شيمة المسلم وعرف وحميــه

وهرجك شذاه العطر واطيب من المسـك
.......................... ويجـذبك عرق العزوه الوايليـــــه

**صبار العنزي** · 25/10/06, (03:47 PM)

فايز البذيلي

الشعر جالك ... والمعاني مواريد
.......................... ياخـــيرٍ كل النشامى تعــزه
بعيد عن هرج العفون الملابيـــد
..................... وعن الردى جناب شخصك منزه

**سعود العواجي** · 27/10/06, (04:50 PM)

الاخ الغالي / ابو ممدوح ...

نفتقدك ولكن مكانتك في القلوب ...

وانشالله تكون بصحه وعافيه ..

دمت خير ..

اخوك / سعود العواجي

**صبار العنزي** · 30/10/06, (10:27 AM)

سعود العواجي

جدك بظله كم شخصــــن تظلل
يوم المعارك والسنين الصعيبه

وانت بــشعرك والفعال انتعلل
ياوارث الأمجاد عزن وهيبـــــه

**شمــــــــوخ** · 02/11/06, (01:36 AM)

حياك الله أخوي صبار العنزي

وكل عام وأنت بخير وسلاامه والله يعيده علينا وعليك بالخير والبركه

وبالتأكيـــــــــد أفتقدناك الفترة اللي راحت ..

تمنياتي لك بالصحه والعافيه

ولاتغيب علينا كثييير ...

..

دمت بخير

**صبار العنزي** · 04/11/06, (10:13 AM)

شمــوخ

الخيـر في حرفـك يشــع القناديل

يضوي على النفس الشقية ضياهـا

شمـوخ حرف وطلتك كنها سهيل
وزين المــــعاني كل شخصن قراها

وتسلمين