// ســـــلـــــــة فــــــواكــــــــة //

[عبدالله عايد]

السلام عليكم

اسعد الله جميع اوقاتكم بكل خير

قصيدة عفوية وكيبوردية احبيت اضعها بينكم كما هي

بعد ما ينكسر نور النهار بليلنا ويجتاح=سواد الليل متلبس نهار ٍ راح في غيـّة
هنا يبداء مزاج الهيل في موعد به الافراح=تغازل ضيقة الخاطر بنظرات ٍ اباحيـّة
وانا رايح افكر كيف اقاوم كسرة المرواح=انا اذكرها تعذبني اذا عوّدت بيديـّة
تقابلنا وتسالمنا وتبسـّمنا وقلوب صحاح=ومن راسي تفقدني نواظرها لرجليـّة
تثنى قدم عيني لين ما الاشقر لكتفه طاح=وانا باقي على وضعي واطالع زين حوريـّة
وهنا وردة " وهنا تحفه " وشمعة نورها وضاح=كذا يعني بريستيج المكان وفيه حريـّة
وسلـّة فاكهه يمي على ما تشتهي يا صاح=بها اجمل فواكه تنزرع وسط السعوديـّة
وقالت حالفه ما تطلع الا راضي ومرتاح=تفضل وش تبي منها ترى النيات عفويـّة
تبسمت وضحكت وقلت اببداء بأنظج التفاح=احبه حب يأسرني خصوصا ً سلـّتك ذيـّة
واخذت آقلـّب اصناف الفواكه حتى زام وفاح=بريق الشاي جاهز سكـّره ميه على ميـّة
وشربنا الشاي انا وياه وشمع الشمعة ذاب وساح=يذكرنا صباح الناس بيـّن نوره وضيـّة
هنا يعني اوادعها قبل شوف البشر ينباح=وهرجت عينها توصي بنظرات ٍ حياويـّة

[صالح العرجان]

تبسمت وضحكت وقلت اببـداء بأنظـج التفـاح
.........//...........احبه حـب يأسرنـي خصوصـا ً سلّتـك ذيّـة


لي عوده


لبا التفاح من بد الفواكه


صح لسانك

[مشعل الضوي]

الله الله عليك يا عبدالله انت مو بس مبدع الا قادر توظف كل حرف وكل كلمة زي ما تبي
ابداع لا محدود وصور شعرية رائعة وصح لسانك على ما تكتب؛؛؛؛؛تحياتي

مشعل الضوي

[بندر المطرفي]

الشاعر عبد الله عايد


لسلم هذا الكيبورد ولتسلم هذه العفوية وصح لسانك جزل يـــ عبدالله ــــا

[عبدالله المعزي]

مبدع قليله مبتكر برضوه قليله

وش اقول وش اقول ؟؟؟؟

اييييييـــــــه؟؟ عبدالله عايد هذا يكفي


شاعر متمرس يعرف كيف يخرج المعنى

من لب الفكره صح قلبك يابو عايد والله تحفه

تقبل تحياتي

[سعود العواجي]

الرائع الشاعر / عبدالله عايد



شهادتي فيك مجروحه...


وسلّة فاكهه يمي على مـا تشتهـي يـا صـاح
بها اجمـل فواكـه تنـزرع وسـط السعوديّـة


يسلم قلبك الرائع على هذه القصيده الكيبورديه التي تحمل روح الشعر الاصيله ..



صح لسانك ..ولاهنت

[تركي صالح]

الاخ المبدع والرائع / عبدالله عايد

رائعه وتفوق الوصف مزجتها لنا بكل جميلاً ورائع

لتظهر لنا بحلة ولا أجمل استمتعنا بها وبروعتها وجمالها المتناهي

وقد كان لها فحوها الخاص وذوقها الجميل الاخاذ

صح لسانك اخوي عبدالله

وسلم بنانك على كل كلمة قلتها

وتقبل فائق التقدير والاحترام